Popular Bible Verses from 1 कुरिन्थियों 15

Share

इस खातर अरे मेरे प्यारे साथी विश्वासियो, अपणे विश्वासा च मजबूत रौआ कने गल़त शिक्षां ते भरमाये नीं जाओ, कने प्रभुये रे कम्मा च हमेशा बधदे जाओ, काँह्भई तुहें जाणाँ ये भई तुहांरी मेहणत प्रभु च बेकार नीं।

पर परमेशरा रा धन्यवाद ओ, सै जे अहांरे प्रभु यीशु मसीह रे जरिये अहांजो विजय देआं।

इन्हां गल्लां रे जरिये धोखा नीं खाणा, “बुरी संगती खरे चरित्रा जो बगाड़ी देईं।”

पर हऊँ जो किछ बी आ, परमेशरा रे अनुग्रह तेआ। कने तिसरा अनुग्रह सै जे माह पर हुआ, सै बेकार नीं हुया पर मैं तिन्हां सब्बीं प्रेरितां ते बधीने मेहणत बी कित्तिरी; तां बी ये मेरिया तरफा ते नीं हुआ; पर परमेशरा रे अनुग्रह ते सै जे मांह पर था।

अरे मौत तेरी जीत किति रैई? अरे मौत तेरा डंग किति रैया?” मौती रा डंग पाप आ; कने पापा री ताकत व्यवस्था इ।

देक्खा, हऊँ तुहांजो भेता री गल्ल बोलां, भई अहां सब्बीं नीं मरना, पर ताहली जे आखरी तुरही बजणी अहें सब पला च कने पलक झपकदे इ बदली जाणे। काँह्भई ताहली जे तुरही बजाई जाणी मुड़दे जिऊंदा हुई जाणे कने फेरी कदी नीं मरने कने अहां बदली जाणा।

काँह्भई ताहली जे माहणुये रे जरिये मौत आई; तां माहणुये रे जरिये इ मूईरयां रा जिऊंदा हूणा बी हया। कने तियां जे आदमा रिया वजह ने सारे मराँ ये, तियां इ मसीह च सब जिऊंदा कित्ते जाणे।

काँह्भई जरूरी आ, भई सै नाशवान शरीर अविनाशिये जो धारण करी लो, कने ये मरणहार शरीर अमरता जो धारण करी लो।

काँह्भई तदुआं तक जे सै अपणे सारयां दुश्मणां जो हराई नीं देओ, तदुआं तका राजे साई तिसरा राज करना जरूरी आ। सब्बीं ते आखरी दुश्मण तिसरा जे अन्त कित्या जाणा, सै मौत इ।