Popular Bible Verses from रोमियो 12

Share

ते इस दुनियारे तरीके पुड़ न च़ला, पन परमेशर तुश्शी सोच बदलेरे ज़िरिये सेइं तुश्शो चाल चलन भी बेदलोए, ताके तुस ज़ानथ कि परमेशर तुसन करां कुन चाते, या ज़ै रोड़ू ते ज़ैन तैस पसंद एइते, ते सिद्ध आहे।

एल्हेरेलेइ हे ढ्लाव ते बेइनव, अवं तुसन कां परमेशरेरी दया याद केरताईं बिनती केरतां ज़ोताईं, कि अपनि ज़िन्दगी पवित्र, ते ज़ेरू परमेशरे पसंद एइते, बलिदान केरतां च़ाढ़ा; ईए परमेशरेरी आराधना केरनेरो सही तरीकोए।

ज़ै उमीद तुसन आहे तैस मां मघन राथ; मुसीबती मां मज़बूत राथ; प्राथना केरने मां लगातार लग्गोरो राथ।

बुरैई करां न हारा पन बुराई भलियैई सेइं ज़ींतां।

भाईच़ारेरे प्यारे सेइं एक्‍की होरि सेइं प्यार केरा; आदरी सेइं होरन एप्पू करां रोड़ो समझ़ा।

तुश्शो प्यार सच़्च़ो भोए; बुरैई सेइं नफरत केरा; भलियाई केरने मां लगोरे राथ।

ज़ेत्रू भोइ सकते, सेब्भी मैन्हन सेइं साथी मेल मलाप रखा।

हे ट्लारव अपनो बदलो न नेथ; पन परमेशरे तुश्शे लेई बदलो नेने देथ, किजोकि पवित्रशास्त्रे मां प्रभु ज़ोते, “बदलो नेनो मेरू कम्मे, ते अव्वें बदलो देइलो।”

मेहनत केरने मां आलस न केरा; आत्मिक जोशे सेइं भरोरे राथ; पूरे दिले सेइं प्रभुएरी सेवा केरते राथ।

किजोकि अवं तैस परमेशरेरे अनुग्रहेरे वजाई सेइं ज़ै मीं मैल्हो, तुसन मरां हर एक्‍की सेइं ज़ोताईं, कि ज़ेन्च़रे समझ़ोरू लोड़े, तैस करां कोई भी अपनो आप जादे न समझ़े, यानी कि ज़ेत्रो विश्वास परमेशरे तुसन दित्तोरोए तैसेरे मुताबिक अपने आपे समझ़ा।

बुरैइयरे बदले केन्ची सेइं बुराई न केरा; ध्यान देथ ते तैन्ने केरा ज़ैन गल्‍लां सेब्भी केरि नज़री मां रोड़िन।

एप्पू मांमेइं मेल मलाप रखा; घमण्ड न केरा; गरीब लोकन सेइं साथी साथ रखा; इन न समझ़ा कि तुस बड़े अक्लमन्द आथ।

पन पवित्रशास्त्र ज़ोते, “अगर तेरो दुश्मन ढ्लुखोरो त तैस रोट्टी खूवा; अगर ट्लिशोरो भोए, त तैस पानी पीया; किजोकि एरू केरने सेइं तू तैस शरमिन्दो केरतस।”

अपने सताने बालन बरकत देथ; बरकत देथ फिटकार न देथ। आनन्द केरनेबालन सेइं साथी आनन्द केरा, ते लेरां देनेबालन सेइं साथी लेरां देथ।

परमेशरेरे लोकन ज़ैन किछ ज़रूरी भोए, तैस मां तैन केरि मद्दत केरा; मेहमानां केरि आदर केरते राथ।

किजोकि ज़ेन्च़रे इश्शे एक्‍की जिसमे मां बड़े अंगन, ते सेब्भी अंगां केरू अक्‍कां ज़ेरू कम नईं। तेन्च़रे अस ज़ैना मसीह पुड़ विश्वास केरतम, अस भी तैसेरे जिसमेरे ज़ेरे बने, ते अस तैसेरे अंग आम ते अस एक्‍की होरि सेइं ज़ुड़ोरेम।