Popular Bible Verses from कहावतां 15

Share

नर्म जुवाब शुन्ने सेइं सरक ठंडी भोतीए, पन सकत गल्‍लन सेइं सरक भड़कतीए।

यहोवारो डर मन्ने सेइं अक्लरी शिक्षा हासिल भोतीए, ते इज़्ज़ती करां पेइले नम्रता एइतीए।

शान्ति देनेबाली गल ज़िन्दगरो बुट्टे, पन उलट-फेरेरी गल्‍ली सेइं आत्मा दुखी भोतीए।

बगैर सलाह नेने सेइं योजना बेफल भोतिन, पन बड़े सलहकारां केरि सलाही सेइं कामयाबी मैलतीए।

मन खुश भोने सेइं तुत्तरे पुड़ भी खुशी लेइहोतीए, पन मनेरे दुखे सेइं आत्मा परेशान भोतीए।

यहोवारी एछ़्छ़ी सेभी ठारन मां लगोरी रैतिन, तै रोड़े बुरे दूईयने तकतो रहतीए।

घबराहटी सेइं बड़े रखोरे धने करां, यहोवारे डरे साथी थोड़ी दौलत रोड़ीए

क्रोध केरनेबालो मड़द लड़ाई मच़ाते, पन ज़ै च़िरे सेइं क्रोध केरनेबालोए, तै मुकदमन दबाते।

धर्मी मने मां सोचते कि कुन जुवाब देईं, पन दुष्टां केरे ऐशी मरां बुरी गल्‍लां निसतिन।