Popular Bible Verses from मरकुस 2

Share

यीशुए तैन केरि गल शुन्तां तैन मिसाल देइतां जुवाब दित्तो, “सझ़र लोकन डाक्टरेरी ज़रूरत न पे, पन बिमार मैन्हन ज़रूरत पेचे। तेन्च़रां, अवं तैन मैन्हु केरे लेई नईं एवरोईं ज़ैना अपने आपे धर्मी समझ़तन, पन पापी मैन्हन कुजाने एवरोईं, ताके तैना अपने पापन केरां मन फिरान।”

यीशुए तैन केरो विश्वास हेरतां अधरंगी मैन्हु सेइं ज़ोवं, “हे मट्ठा, तेरे पाप माफ़ भोए।”

तैखन यीशुए तैन फरीसी लोकन सेइं ज़ोवं, “परमेशरे आरामेरी दिहाड़ी लोकन मद्दत केरनेरे लेई बनेवरीए, न कि आरामेरे दिहाड़ेरे कानून मन्नेरे लेई तैनी लोक रच़े।

मैन्हु केरि भीड़रे वजाई सेइं, तैना यीशुएरे नेड़े न पुज़्ज़ी सके। एल्हेरेलेइ तैनेईं तैस घरेरी छत ज़ैस मां यीशु थियो पुट्टी छ़डी। तैल्‍ला बाद, तैनेईं तै खट ओसाली ज़ैस पुड़ अधरंगी मैन्हु थियो।

अवं किछ केरनेबालोईं, ज़ैस सेइं तुसेईं बुझ़नूए कि मैन्हेरे मट्ठे (यानी मीं) धेरती पुड़ लोकां केरे पाप माफ़ केरनेरो अधिकारे!” फिरी तैनी तैस अधरंगी मैन्हेरे पासे मुड़तां तैस सेइं ज़ोवं, “अवं तीं सेइं ज़ोताईं, उठ, अपनि खट छ़ुइतां अपने घरजो गा!”

एस अधरंगी मैन्हु सेइं कुन ज़ोनू सुख्तू आहे? एन ज़ोनू कि ‘तेरे पाप माफ़ भोए,’ या एन ज़ोनू कि ‘उठ, अपनि खट छ़ुइतां च़ल फिर?’

अकदम तै खड़ो उठो ते अपनि खट छ़ुइतां सारे मैन्हु केरे सामने निस्तां च़लो जेव। एस वजाई सेइं सारे मैन्हु हैरान भोए, त परमेशरेरी बडीयाई केरतां ज़ोने लग्गे, “असेईं एरू ज़ेरू कधी नईं लावरू!”