Popular Bible Verses from मत्ती 15

Share

पन ज़ैन किछ मैन्हेरे अन्त्रेरां निस्ते, तैन दिले मरां निसते, तैन्ने मैन्हु ज़ुट्ठो केरते? किजोकि बुरे खियाल, कत्ल केरनो, अड्लाहे देइने गलत कम केरनू, बदमाशी, च़ोरी, झूठी गवाही देनी, ते तुहीन दिले मरां निसचे।

ज़ै चीज़ ऐशी मां गाचे तैस सेइं मैन्हु ज़ुट्ठो न भोए, पन ज़ैन तैसेरे ऐशी मरां बेइरोवं निस्ते, तैन्ने तैस ज़ुट्ठू केरते।”

एना लोक ऐशी सेइं त मेरी बड़ी तारीफ़ केरतन, पन एन केरे दिल मीं करां बड़े दूर आन। एना लोक बेफैइदी मेरी आराधना केरतन, किजोकि एना मैन्हु केरे हुक्मां केरि शिक्षा देतन।”

यीशुए तैस जुवाब दित्तो, “ऐह कुआन्श तेरो विश्वास बड़ोए, ज़ेरू तू चातिस तेरे लेई तेरहु भोए” ते तैसारी कुई तैखने बेज़्झ़ोइ जेई।

पन तै कुआन्श आई, ते तैस कां मथ्थो टेकतां ज़ोने लग्गी, “हे प्रभु मेरी मद्दत केर।” तैनी जुवाब दित्तो, “बच्‍चां केरि रोट्टी नेइतां कुतरन देनी ठीक नईं।” तैसां ज़ोवं “सच़्च़े प्रभु, पन ज़ैन टुक्ड़े मालिकेरी मेज़े पुड़ेरां बिछ़ड़तन तैना कुतरां भी खातन।”