Popular Bible Verses from यूहन्ना 17

Share

तेरू वचन सच़्च़े। सच़्च़ेरे ज़िरिये सेइं तैन पवित्र केर।

ते हमेशारी ज़िन्दगी तै आहे, कि तैना सिर्फ तीं एक्‍की सच़्च़े परमेशरे ज़ानन ते यीशु मसीहे भी ज़ानन ज़ै तीं भेज़ोरोए।

“मेरी प्राथना सिर्फ चेलां केरे लेई नईं, पन तैन केरे लेई भी ज़ैना तैन केरे वचनेरे ज़िरिये मीं पुड़ विश्वास केरेले। कि तैना सब अक भोन, ज़ेन्च़रे तू बाजी मीं मां आस, ते अवं तीं मां आईं तेन्च़रे तैना असन मां भोन, एल्हेरेलेइ दुनियारे लोक विश्वास केरन, कि तींए अवं भेज़ोरोईं।

मेरी प्राथना ई नईं कि तू तैन दुनियाई मरां ने, पन तू तैन शैताने करां बच़ेइतां रख।

ते तै महिमा ज़ै तीं मीं दित्तोरीए, कि ज़ेन्च़रे अस अक आम तैन भी अक भोन। अवं तैन मां भोइलो, ते तू मीं मां भोल्हो, ताके तैना सिद्ध भोइतां अक भोन, ते दुनिया ज़ांने कि तीं अवं भेज़ोरोईं। ज़ेन्च़रे तीं मीं सेइं प्यार कियो, तेन्च़रे तीं तैन सेइं भी प्यार कियो।