Popular Bible Verses from यूहन्ना 13

Share

अवं तुसन अक नंव्वो हुक्म देताईं कि, एक्‍की होरि सेइं प्यार केरा, ज़ेन्च़रे मीं तुसन सेइं प्यार कियो तुस भी एक्‍के होरि सेइं प्यार केरा। अगर तुस एक्‍के होरि सेइं प्यार केरेले त सेब्भी लोकन पतो लग्गेलो, कि तुस मेरे चेलेथ।”

अगर मीं तुश्शो गुरू त कने प्रभु भोइतां तुश्शे पव धोए, त तुश्शो भी फर्ज़े कि एक्‍की होरेरे पव धोथ। किजोकि मीं तुसन अक नमूनो हिराव, कि ज़ेन्च़रे मीं पव धोए तुस भी एरू केरथ।

यीशुए जुवाब दित्तो, “ज़ैन अवं केरने लगोरोईं तू हुन्ना न बुझ़स, पन पत्ती तू बुझ़ेलो।”

अवं तुसन सेइं सच़-सच़ ज़ोताईं, कि नौकर अपने मालिके करां बड्डो न भोए, ते न भेज़ोरो भेज़ने बाले करां।

तुस त एना गल्‍लां ज़ानतथ, ते अगर तैन पुड़ अमल केरतथ त तुस धन आथ।

एल्हेरेलेइ तै रोट्टी छ़ेडतां खड़ो उठो ते अपनु कोट खोल्‍लू, ते अक तोलियो अपने लखे सेइं पलैट्टो। तैखन तैनी अक भांड ट्लाव ते तैस मां पानी छ़ड्डू ते अपने चेलां केरे पव धोइतां लखे बन्धोरे तोलिये सेइं पोंछ़े।