Popular Bible Verses from यशायाह 62

Share

तींजो फिरी शारोरी न ज़ोले, ते तेरी धेरती जो फिरी उज़ड़ोरी न ज़ोले; पन तू हेप्सीबा ते तेरी ज़मीनी जो ब्यूला ज़ोले; किजोकि यहोवा तीं पुड़ खुशी आहे, ते तेरी धरती साघन भोल्ही।

हे यरूशलेम, मीं तेरी शहरपनाही पुड़ पहरदार बिशालोरेन; तैना रात दिहैड़ी कधे च़ुप न राले। हे यहोवाए याद केरने बालाव, च़ुप न राथ, ते ज़ांतगर यहोवा यरूशलेमे कायम केरतां तैसेरू नवं सैरी दुनियाई मां फैलाए, तांतगर तुसां भी तैस आराम न केरने देथ।

तू यहोवारे हथ्थे मां शोभने बालू ताज ते तैसेरे तेई मां राज़मुकुट ठहरेली।

किजोकि ज़ेन्च़रे अक नौजुवान कुवैरी कुइये ड्लेइतां आनते, तेन्च़रे तेरे लोक तीं फिरी रानेरे लेई च़ुनेले; ते ज़ेन्च़रे महराव एपनी महारेनी पुड़ खुशी भोते, तेन्च़रे तेरो परमेशर तेरे वजाई सेइं खुशी भोल्हो।