Popular Bible Verses from यशायाह 51

Share

यहोवा ज़ोते, “अवं, हाँ अव्वें तीं शान्ति देने बालोईं; तू कौनस ज़ै मरने बाले मैन्हु सेइं ते घासेरे ज़ेरे शुकने बाले मैन्हु करां डरतस।

मीं तेरे ऐशी मां अपने वचन छ़डे, ते अपने हथ्थे हैठ छ़ुपेइतां तेरी रक्षा की; कि अवं अम्बरे फैलेईं ते धेरतरी मुनीयाद रेखी, ते सिय्योने सेइं ज़ोइ, ‘तुसां मेरे लोकथ।’”

“हे धार्मिकतारे ज़ान्ने बालाव, ज़ैन केरे मने मां मेरो कानूने, तुसां ध्याने सेइं मेरी गल्‍लां शुना; मैन्हु केरि बदनैमी करां न डरा, ते न तैन केरे निन्दा केरने सेइं परेशान भोइयथ।

यहोवा सिय्योने शान्ति दित्तोरीए, तै तैसेरे सुनसान ठैरन अदनेरे ज़ेरे ते तैसेरे गैर आबाद मुल्खे यहोवारे बागरो ज़ेरो बनालो; तैस मां खुशी ते आनन्द ते शुक्र ते भजन ज़ोनेरी आवाज़ शुनोली।

एल्हेरेलेइ यहोवारे छुटेवरे लोक वापस एइतां सिय्योने मां जयजयकार केरेले, ते तैन केरे दोग्गे पुड़ हमेशारी खुशी गूंजती राली; तैन आनन्द ते खुशी मैल्हेली, ते दुख ते ओशा बन्द भोइ गाले।