Popular Bible Verses from यशायाह 49

Share

“कुन एन भोइ सकते कि कोई अम्मा अपने दुद्ध पीते बच्‍चे बिसरी सकतीए ते अपने ज़र्मोरे मट्ठे पुड़ दया न केरे? हाँ तै त बिसरी सकतीए, पन अवं तीं न बिसरी सेखी।

हेर, मीं तेरी शकल अपने हथ्थेरी तेई पुड़ घेड़तां बनेवरीए; ते तेरी शहरपनाह हमेशा मेरी नज़री मां मेरे सामने बनोरी रहतीए।

फिरी भी यहोवा एन ज़ोते, “हाँ बहादर सिपेहेरे हथ्थे मरां कैदी छुटाए गाले, दुष्टेरो शिकार तैन करां छुटाव गालो, कि ज़ैना तीं सेइं लड़तन तैन सेइं अवं मुकदमो लड़ेलो, ते तेरे बच्‍चन अवं छुटेइलो।

तैन्नी मीं सेइं एन ज़ोवरूए, “ऐह त निकड़ी ज़ेरि गल्‍ले कि तू याकूबेरे गोट्लां केरो छुटकारो केरनेरे लेई ते इस्राएलेरे बच़ोरे लोकन तू फिरी वापस आन ते मेरो दास ठहरस; अवं कौमां-कौमां केरे लेई लौ ठहरेलो कि मेरी मुक्ति धेरतरे एक्‍की पासेरां होरि पासे तगर फैली गाए।”

हे अम्बर जयजयकार केर, हे धरती मघन भो; हे पहाड़व गल खोलतां जयजयकार केरा! किजोकि यहोवा शान्ति दित्तोरिए ते अपने दीन लोकन पुड़ दया कियोरीए।