Popular Bible Verses from उत्पत्ति 50

Share

हांलाकि तुसेईं मेरे लेई बुराई केरनेरो खियाल कियोरो थियो। पन परमेशरे तैस्से गल्‍ली मां भलियाई केरनेरो खियाल कियो, ताके बड़े लोकां केरि जानां बेंच़ी गान, ज़ेन्च़रे तुस अज़ भी लहंने लगोरेथ।

यूसुफे तैन सेइं ज़ोवं, “डरा नन्ना, कुन अवं परमेशरेरी ठारी पुड़ आईं?

एल्हेरेलेइ हुनी डरा नन्ना: अवं तुश्शो ते तुश्शे बाल-बच्‍चां केरि हेरगेश केरतो रेइलो।” एन्च़रां सेइं तैनी तैन समझ़ेइतां हिम्मत दित्ती।

‘तुस लोक यूसुफे सेइं एन्च़रे सेइं ज़ोइयथ, कि असां बिनती केरतम, कि तू अपने ढ्लां केरो पाप माफ़ केरां; असेईं तीं सेइं बुराई कियोरी थी, पन हुन्ना, अपने बाजी केरे परमेशरेरे नौकरां केरो पाप माफ़ केर तैन केरि एना गल्‍लां शुन्तां यूसुफ लेरां लगो देने।’”

यूसुफे अपने ढ्लान सेइं ज़ोवं, “अवं त मरनेबालोईं; पन परमेशर सच़्च़े तुश्शी मद्दत केरेलो, ते तुसन इस मुल्खे मरां केढतां तैस मुल्खे मां पुज़ालो, ज़ै मुल्ख देनेरो तैनी अब्राहम, इसहाक ते याकूब सेइं वाधो कियोरो थियो।”

फिरी यूसुफे इस्राएली लोकन सेइं कसम केरतां ज़ोवं कि, “परमेशर सच़्च़े तुश्शी मद्दत केरेलो, ते तैखन गांते बार तुस ज़रूर मेरी हेड्डी इट्ठां तैस मुल्खे मांजो नेइयथ।”

एन्च़रां यूसुफ 110 सालां केरो भोइतां मेरि जेव: ते तैनेईं तैसेरे लाशी मां खुशबूदार चीज़ां भेरि, ते तैसेरी लाश मिस्रे मां एक्‍की तबूते मां रख्खी।