Popular Bible Verses from निर्गमन 31

Share

“शुन, अवं ऊरी नंव्वेरे मैन्हेरू मट्ठू बसलेले, ज़ैन हूरेरू पोट्लड़ूए ते यहूदारे गोट्ले मरांए, नवं घिन्तां कुजाताईं। ते अवं तैस परमेशरेरी आत्मा सेइं ज़ै अक्ल, समझ़, ज्ञान, ते सब किसमां केरे कम्मां केरि समझ़ देनेबाली आत्माए तैस सेइं भरपूर केरताईं, ज़ैस सेइं तै कारिगेरेरां कम्मां अक्ली सेइं केढी-केढी हर किसमेरी बनावटी मां मतलब सोन्नू, चाँदी, ते पितली मां, ते पलैटनेरे लेई मणि कटने मां, ते लेकड़ी पुड़ नक्‍काशी केरनेरू कम केरे।

“तू इस्राएली लोकन सेइं इन भी ज़ोइयां, ‘कि हमेशा तुस मेरे थैकरी दिहाड़ी मेन्नथ, किजोकि तुश्शी पीढ़ी-पीढ़ी मां मेरे ते तुश्शे लोकां केरे लेई ई निशान ठहरावरोए, ज़ैस सेइं तुस ई गल बुझ़ी सखथ कि यहोवा पवित्र केरनेबालोए।

तै मेरे ते इस्राएली लोकां केरे दरमियान हमेशा अक निशान रालो, किजोकि शा दिहाड़न मां यहोवाए अम्बर ते धरती बनेवरीए, ते सत्तोवं दिहाड़े आराम केरतां अपनो दिल ठंडो कियो।’”