Popular Bible Verses from सभोपदेशक 9

Share

ज़ैन कम तीं मैल्हे, तैन एपनी शेक्ति सेइं केरां, किजोकि अधलोके मां ज़ैड़ी तू गाने बालोस, तैड़ी न कम्मे, न कोई योजना, ते न तैड़ी ज्ञान ते न अक्ले।

फिरी मीं दुनियाई मां एन भी लावं, कि दौड़ी मां तेज़ दौड़ने बाले ते न जंगी मां बहादर ज़ीते; ते न अक्लमन्द लोकन रोट्टी मैल्हे, ते न समझ़ी बाले धन मैल्हे, ते न इज़्ज़तदारन पुड़ अनुग्रह भोए, तैना सब वक्तेरे ते संयोगेरे बस्से मां आन।

अपने बेकार ज़िन्दगरे सारे दिहाड़े ज़ैना दुनियाई मां तेरे लेई ठहरावरेन, एपनी ट्लेरी कौन्शी सेइं साथी बीता, किजोकि तेरी ज़िन्दगी ते तेरी मेहनती पुड़ ज़ै तू दुनियाई मां केरतस एहे तेरो हिस्सोए।

एपनी बत्तां च़लो गा, अपनि रोट्टी आनन्दे सेइं खा, ते अपने मने मां सुख मेनतां दाछ़रो रस पी; किजोकि परमेशर तेरे कम्मन पुड़ खुशी भोइ जेवरोए।

लड़ैइयरे हथियारन करां अक्ल रोड़ीए, पन अक पापी बेड़ि भलियाई नाश केरते।

अक्लमन्दा केरी गल्‍लां ज़ैना बल्हे-बल्हे ज़ोतन, तैना बेवकूफां केरे दरमियान हुकूमत केरनेबालेरे ज़ोरे-ज़ोरे सेइं ज़ोने करां जादे शुने गातन।

किजोकि ज़ींते एत्रू त ज़ानतन कि तैना मेरि गाले, पन मुओरे किछ भी न ज़ानन, ते न तैन किछ होरो बदलो मैल्ही सकते, किजोकि तैन केरी याद मुक्‍की जेवरीए।