Popular Bible Verses from सभोपदेशक 5

Share

गल्‍लां केरने मां तू लूश न केरां, ते अपने मने मरां टारी गल परमेशरेरे सामने न केढां, किजोकि परमेशर सुर्गे मांए, ते तू धेरती पुड़ आस; एल्हेरेलेइ तेरी गल्‍लां थोड़ी भोन।

बल्के हर अक मैन्हु ज़ैस परमेशरे धन दौलत दित्तोरीए, ते तैस सेइं आनन्द केरने ते अपनो हिस्सो नेइतां एपनी मेहनतरो आनन्द केरनेरी शक्ति भी परमेशरे दित्तोरीए इन परमेशरेरू वरदाने।

ज़ै रुपेइयन सेइं प्यार केरते, तै दौलती सेइं न रज़्ज़ेलो, ते ज़ै दौलती सेइं प्यार केरते, तै दौलत बधने सेइं भी न रज़्ज़े, एन भी बेकारे।

ज़ैखन तू परमेशरेरे घरे मां गास त ध्याने सेइं अन्तर पव छ़ेडां, शुन्नेरे लेई नेड़े गानू बेवकूफेरे बलिदान च़ाढ़ने करां रोड़ूए; किजोकि तैना न ज़ान्न कि तैना बुरू केरतन।

ज़ैखन तू परमेशरे कां मिन्नत मन्नस, त तैस पूरी केरने मां च़िर न लेइयां; किजोकि तै बेवकूफन सेइं खुश न भोए। ज़ै मिन्नत तीं मन्नोरी भोए तैस पूरी केरां।

मिन्नत मेनतां पूरी न केरनेरां केरतां मिन्नत मन्नोरी न लोड़े।

मेहनत केरनेबालो चाहे तै थोड़ू खाए या जादे, फिर भी तैस निड्ल सुखे सेइं एइतीए। पन अमीरेरी दौलत बधने सेइं तैसेरी निड्ल खतम भोइ गाचे।

ज़ेन्च़रे तै अपने अम्मरे पेटे मरां नग्गो एइते तेन्च़रे वापस नग्गो गालो, ते तैस एपनी कमैई मरां किछ भी हासिल न भोए, ज़ैस तै एप्पु सेइं साथी नेइ सके।