पन पतरसे तैस सेइं ज़ोवं, “हे हनन्याह! शैताने तेरे मने मां ऐह गल केन्च़रे छ़डी, कि तू पवित्र आत्माई सेइं झूठ ज़ोस, ते ज़मीनरे पेंइसन मरां किछ रेखी छ़डस? कुन बेच़ने करां पेइले ज़मीन तेरी न थी, पन बेच़नेरां बाद कुन पेइंसो तेरो न भोव? तीं अपने मने मां किजो सोचू? तीं मैन्हु सेइं नईं बल्के परमेशरे सेइं झूठ ज़ोवरूए।” हनन्याह एन शुनते खिरकी जेव, ते तैसेरे प्राण निस्से, ते ज़ैन लोकेईं एन शुनू त तैना बड़े डेरि जे।