Popular Bible Verses from भजन संहिता 103

Share

हे मेरे मन, यहोवा नै धन्य कह, अर उसके किसे उपकार नै ना भूल।

वोए तो तेरे सारे अधर्म नै माफ करै सै, अर तेरे सारे रोगां नै चंगा करै सै, वोए तो तेरी जान नै नाश होण तै बचावै सै, अर तेरे सिर पै करुणा अर दया का मुकुट बाँधै सै, वोए तेरी लालसा नै खास चिज्जां तै छिकावै सै, जिसतै तेरी जवान्‍नी उकाब की तरियां नई हो ज्या सै।

हे मेरे मन, यहोवा नै धन्य कह; अर जो कुछ मेरै म्ह सै, वो उसके पवित्र नाम नै धन्य कहवै!

जिस तरियां बाप अपणे बाळकां पै दया करै सै, उसे तरियां यहोवा अपणे डरण आळयां पै दया करै सै।

पूर्व तै पश्‍चिम जितनी दूर सै, उसनै म्हारे अपराध्धां ताहीं म्हारे तै उतने दूर करै सै।

यहोवा दयालु अर अनुग्रह करण आळा, देर तै छो करण आळा अर भोत-ए करुणा करण आळा सै।

उसनै म्हारे पापां कै मुताबिक म्हारे तै बरतावै न्ही करया, अर ना म्हारे अधर्म के काम्मां कै मुताबिक म्हारै ताहीं बदला दिया सै। जिस तरियां अकास धरती कै उप्पर ऊँच्‍चा सै, उसे तरियां उसकी करुणा उसके डरण आळयां कै उप्पर सै।

यहोवा नै तो अपणा सिंहासन सुर्ग म्ह टिकाया सै, अर उसका राज पूरी दुनिया म्ह सै।