Popular Bible Verses from नीतिवचन 10

Share

धन यहोवा की आशीष तै मिलै सै, अर उसकै गैल दुख न्ही मिलदा।

जड़ै भोत घणी बात होवै सै, ओड़ै अपराध भी होवै सै, पर जो अपणे मुँह नै बन्द राक्खै सै, वो बुद्धि तै काम करै सै।

बैर तै तो झगड़े बढै़ सै, पर प्यार सारी गलतियाँ नै माफ करदे सै।

जो काम म्ह ढिल करै सै, वो कंगाल हो जावै सै, पर मेहनती माणस अपणी मेहनत कै जरिये धनी होवै सै।

जो शिक्षा पै चाल्‍लै, वो जीवन की राह पै सै, पर जो डाँट तै मुँह मोड़ै, वो भटकै सै।

जो खराई तै चाल्‍लै सै वो निडर चाल्‍लै सै, पर जो टेढ़ी चाल चाल्‍लै सै उसके लछण दिख जावै सै।

यहोवा का भय मानण तै उम्र बढै़ सै, पर दुष्टां का जीवन थोड़े दिनां का ए होवै सै।

धर्मी नै यहोवा भूक्खा मरण न्ही देन्दा, पर दुष्टां की मर्जी वो पूरी होण न्ही देन्दा।

दुष्ट माणस उस भम्बुळिये के जिसा सै, जो एक बार दिक्खण के बाद गायब हो जावै सै पर धर्मी सदा टिक्या रहवै सै।