Popular Bible Verses from गिनती 14

Share

सिर्फ इतणा करो के थम यहोवा कै खिलाफ बलवा ना करो; अर ना उस देश के माणसां तै डरो, क्यूँके वे म्हारी रोट्टी ठहरैगें; छाया उनके उप्पर तै हटगी सै, अर यहोवा म्हारै गैल सै; उनतै ना डरो।”

के यहोवा छो करण म्ह धीरजवन्त अर घणा करुणामय सै, अर अधर्म अर कसूर नै माफ करण आळा सै, पर वो कसूरवार ताहीं किसे ढाळ तै बेकसूर न्ही ठहरावैगा, अर बड़े बुजुर्गां के अधर्म की सजा उनके बेट्याँ, अर पोत्यां, अर पड़पोत्यां ताहीं देवै सै।

जै यहोवा म्हारे तै राज्जी हो, तो म्हारै ताहीं उस देश म्ह, जिस म्ह दूध अर शहद की धारा बहवै सैं, पहुँचाकै उस ताहीं हमनै दे देवैगा।

पर इस कारण तै के मेरे दास कालेब के गैल न्यारी ए आत्मा सै, अर उसनै पूरी तरियां तै मेरा अनुकरण करया सै, मै उस ताहीं उस देश म्ह जिस म्ह वो हो आया सै पोहचाऊँगा, अर उसकी पीढ़ी उस देश की हकदार होवैगी।

इस करकै उनतै कह के यहोवा की या वाणी सै, के मेरे जीवन की कसम जो बात थमनै मेरै सुणदे होए कही सैं, पक्‍का मै उस्से कै मुताबिक थारै गेल्या बरताव करुँगा।

फेर यहोवा नै मूसा तै कह्या, “ये माणस कद ताहीं मेरा इन्कार करदे रहवैंगे? अर मेरे सारे चमत्कारां नै देखकै भी कद ताहीं मेरै पै बिश्वास न्ही करैंगे?

अर सारे इस्राएली मूसा अर हारुन पै बड़बड़ाण लाग्गे; अर सारी मण्डळी उसतै कहण लाग्गी, “भला होंदा के हम मिस्र देश म्ह ए मर जान्दे! या इस जंगळ म्ह ए मर जान्दे!

अर नून का बेट्टा यहोशू अर यपुन्‍ने का बेट्टा कालेब, जो देश के भेद लेण आळयां म्ह तै थे, अपणे-अपणे कपड़े पाड़कै, इस्राएल के माणसां की सारी मण्डळी तै कहण लाग्गे, “जिस देश का भेद लेण नै हम आस्सै-पास्सै घूमकै आये सां, वो भोत बढ़िया देश सै।

पर मेरे जीवन की कसम साच्‍चए सारी धरती यहोवा की महिमा तै भरपूर हो जावैगी; उन सारे माणसां नै जिननै मेरी महिमा मिस्र देश म्ह अर जंगळ म्ह देक्खी, अर मेरे करे होए चमत्कारां नै देखण पै भी दस बार मेरै ताहीं परख लिया, अर मेरी बात कोनी मान्‍नी, इस करकै जिस देश कै बारै म्ह मन्‍नै उनके पूर्वजां तै कसम खाई, उस ताहीं वे कदे देखण न्ही पावैंगें; यानिके जितन्या नै मेरा अपमान करया सै उन म्ह तै कोए भी उस ताहीं देखण न्ही पावैगा।