Popular Bible Verses from लैव्यव्यवस्था 26

Share

अर मै थारे बिचाळै चल्या फिरया करुँगा, अर थारा परमेसवर बण्या रहूँगा, अर थम मेरी प्रजा बणे रहोगे।

तो मै थारै खात्तर बखत-बखत पै मिह बरसाऊँगा, अर धरती अपणी उपज उगावैगी, अर मैदान के दरखत्त अपणे-अपणे फळ दिया करैंगे

“जै थम मेरे नियमां पै चाल्‍लों अर मेरे हुकमां नै मानकै उनका पालन करो

अर मै थारै देश म्ह सुख-चैन दियुँगा, अर थम सोओगे अर थमनै कोए डराण आळा न्ही होवैगा; अर मै उस देश म्ह खतरनाक जन्तुआं नै न्ही रहण दियुँगा, अर तलवार थारे देश म्ह न्ही चाल्‍लैगी।

अर मै थारी ओड़ दया की निगांह करुँगा अर थारे ताहीं फळवन्त करुँगा अर बढ़ाऊँगा, अर थारै गैल अपणे करार नै पूरा करुँगा।

मै तो थारा वो परमेसवर यहोवा सूं, जो थारे ताहीं मिस्र देश तै इस करकै लिकाड़ ले आया, के थम मिस्रियाँ के गुलाम ना बणे रहो; अर मन्‍नै थारे जूए ताहीं तोड़ दिया सै, अर थारे ताहीं सीध्धा खड्या करकै चलाया सै।”

अर मै थारै बिचाळै अपणा निवास-स्थान बणाए राखूँगा, अर मेरा जी थारे तै नफरत न्ही करैगा।

“थम अपणे खात्तर मूर्ति ना बणाईयो, अर ना कोए खुदी होई मूर्ति या खम्बा अपणे खात्तर खड्या करियो, अर ना अपणे देश म्ह दण्‍डवत करण कै खात्तर नक्‍काशीदार पत्थर स्थापित करियो; क्यूँके मै थारा परमेसवर यहोवा सूं।

अर थम धरे होए पुराणे अनाज नै खाओगे, अर नये कै रहंदे भी पुराणे नै लिकाड़ोगे।

थारे म्ह तै पाँच माणस सौ नै अर सौ माणस दस हजार नै भजावैंगें; अर थारे बैरी तलवार तै थारै आग्गै-आग्गै मारे जावैंगे

उरै ताहीं के थम अंगूर तोड़ण कै बखत भी दाँवणी करदे रहोगे, अर बोण कै बखत भी भर-पेट अंगूर तोड़दे रहोगे, अर थम मनमान्‍नी रोट्टी खाया करोगे, अर अपणे देश म्ह बेफिकर बसे रहोगे।

अर थम अपणे बैरियाँ नै मार भगा द्योगे, अर वे थारी तलवार तै मारे जावैंगे।

थम मेरै विश्रामदिनां का पालन करियो अर मेरै पवित्र स्‍थान का भय मानियो; मै यहोवा सूं।”