Popular Bible Verses from यहो. 1

Share

के मन्‍नै तेरे ताहीं हुकम न्ही दिया? हिम्मत करकै मजबूत हो जा; भय ना खावै, अर तेरा मन कच्‍चा न्ही होवै; क्यूँके जित्त-जित्त तू जावैगा ओड़ै-ओड़ै तेरा परमेसवर यहोवा तेरै गैल रहवैगा।”

नियम-कायदे की या किताब तेरे ध्यान तै कदे भी ना उतरण पावै, इस्से म्ह दिन-रात ध्यान दिए रहणा, ज्यांतै के जो कुछ उस किताब म्ह लिख्या सै उसके मुताबिक करण की तू चौकसी करै; क्यूँके इसाए करण तै तेरे सारे काम सफल होवैंगे, अर तू प्रभावशाली होवैगा।

इतणा हो के तू हिम्मत करकै अर घणा मजबूत होकै जो नियम-कायदे मेरे दास मूसा नै तेरे ताहीं दिए सै उन सब कै मुताबिक करण म्ह चौकसी करिये; अर उसतै ना तो दाएँ मुड़िए अर ना बाएँ, फेर जित्त-जित्त तू जावैगा ओड़ै-ओड़ै तेरा काम सफल होवैगा।

तेरी जिन्दगी भर कोए तेरै स्याम्ही ठहर न्ही सकैगा; जिस तरियां मै मूसा कै गैल रह्या उस्से तरियां ए तेरै गैल भी रहूँगा; अर ना तो मै तन्‍नै धोक्खा देऊँगा, अर ना तन्‍नै छोड़ूँगा।

ज्यांतै हिम्मत करकै मजबूत हो जा; क्यूँके जिस देश के देण की कसम मन्‍नै इन माणसां के पूर्वजां तै खाई थी उसका अधिकारी तू इननै करैगा।

उस वचन कै मुताबिक जो मन्‍नै मूसा तै कह्या, यानिके जिस-जिस जगहां पै थम पैर धरोगे वो सब थमनै दियुँ सूं।

“मेरा दास मूसा मर ग्या सै; तो इब तू उठ, कमर बाँध, अर इस सारी प्रजा समेत यरदन नदी कै पार जाकै उस देश म्ह जा जिसनै मै उन ताहीं यानिके इस्राएलियाँ ताहीं दियुँ सूं।

यहोवा के दास मूसा की मौत के बाद यहोवा नै उसके सेवक यहोशू तै जो नून का बेट्टा था कह्या

जंगळ अर उस लबानोन तै लेकै फरात महानद ताहीं, अर पश्‍चिम की और भूमध्य-सागर ताहीं हित्तियाँ का सारा देश थारा हिस्सा ठहरैगा।

चाहे कोए भी क्यूँ ना हो जो तेरै बिरुध्द बलवा करै, अर जितने हुकम तू दे उन ताहीं वो ना मान्‍नै, तो वो मार दिया जावैगा। पर तू दृढ़ अर हिम्मत बाँधे रह।”

“छावणी म्ह आस्सै-पास्सै जाकै प्रजा के माणसां ताहीं यो हुकम द्यो, के अपणे-अपणे खात्तर खाणा त्यार करकै राक्खो; क्यूँके तीन दिन कै भित्तर थमनै इस यरदन नदी ताहीं पार करकै उस देश पै अपणा अधिकार करण खात्तर जाणा सै जिस ताहीं थारा परमेसवर यहोवा थारे अधिकार म्ह करण आळा सै।”