Popular Bible Verses from यशायाह 54

Share

जितने हथियार तेरे नुकसान कै खात्तर बणाए जावैंगे, उन म्ह तै कोए भी सफल न्ही होवैगा, अर जितने माणस मुद्दई होकै तेरै पै दोष लगावैं उन सारया तै तू जीत जावैगा। यहोवा के दास्सां का योए हिस्सा होवैगा, अर वे मेरै ए कारण धर्मी ठैहरैगें, यहोवा की याए वाणी सै।”

चाहे पहाड़ हट जावै अर पहाड़ियाँ टळ जावैं, तोभी मेरी करुणा तेरै पै तै कदे न्ही हटैगी, अर मेरा शान्ति देण आळा करार न्ही टळैगा, यहोवा, जो तेरै पै दया करै सै, उसका योए वचन सै।”

“ना डरै, क्यूँके तेरी उम्मीद फेर न्ही टूट्टैगी; ना घबरावै, क्यूँके तू फेर शर्मिन्दा न्ही होवैगी अर तेरै पै उदासी ना छावैगी; क्यूँके तू अपणी जवानी की शर्म भूल जावैगी, अर अपणे विधवापन की बदनाम्मी नै फेर याद न्ही करैगी।

क्यूँके तेरा कर्ता तेरा पति सै, उसका नाम सेनाओं का यहोवा सै; अर इस्राएल का पवित्र परमेसवर तेरा छुड़ाण आळा सै, वो सारी धरती का भी परमेसवर कुह्वावैगा।

अपणे तम्बू की जगहां चौड़ी कर, अर तेरे डेरे के पट लाम्बे करे जावैं; हाथ नै ना रोक, रस्सियाँ ताहीं लाम्बी अर खूँटया ताहीं मजबूत कर।

तेरे सारे छोरे यहोवा के सिखाए होए होवैंगे, अर उननै बड़ी शान्ति मिलैगी।

छो की लहर म्ह आकै मन्‍नै पलभर कै खात्तर तेरै तै मुँह छिपाया था, पर इब अनन्त करुणा तै मै तेरै पै दया करुँगा, तेरे छुड़ाणआळे यहोवा का योए वचन सै।

पलभर कै ए खात्तर मन्‍नै तेरे ताहीं छोड़ दिया था, पर इब बड़ी दया करकै मै फेर तेरे ताहीं राख ल्यूँगा।

यो मेरी नजर म्ह नूह के बखत के जल-प्रलय की तरियां सै; क्यूँके जिसी मन्‍नै कसम खाई थी के नूह के बखत के जल-प्रलय तै धरती फेर न्ही डूबैगी, उस्से तरियां मन्‍नै या भी कसम खाई सै के फेर कदे तेरै पै छो न्ही करुँगा अर ना तेरे ताहीं धमकी देऊँगा।

तेरे कलश मै माणिक्याँ तै, तेरे फाटक लालड़ियां तै अर तेरी सारी सीमा की दीवारां नै मनोहर रत्नां तै बणाऊँगा।