Popular Bible Verses from यशायाह 44

Share

क्यूँके मै प्यासी धरती पै पाणी अर सूक्खी धरती पै धाराएँ बहाऊँगा; मै तेरे वंश पै अपणी आत्मा अर तेरी औलाद पै अपणी आशीष उण्डेलूँगा।

यहोवा, जो इस्राएल का राजा सै, यानिके सेनाओं का यहोवा जो उसका छुड़ाण आळा सै, वो न्यू कहवै सै, “मै सबतै पैहला सूं, अर मै ए आखरी तक रहूँगा; मेरे ताहीं छोड़ और कोए परमेसवर सै ए कोनी।

मन्‍नै तेरे अपराध्धां ताहीं काळी घटा की तरियां अर तेरे सारे पाप बादळ की तरियां मिटा दिये सै; मेरी और फेर बोहड़ आ, क्यूँके मन्‍नै तेरे ताहीं छुड़ा लिया सै।

ना डरो अर ना भय खाओ; के मन्‍नै पुराणे बखत तै ए ये बात थारे ताहीं न्ही सुणाई अर थारे पै जाहिर न्ही करी? थम मेरे गवाह सों। के मेरे ताहीं छोड़ कोए और परमेसवर सै? न्ही, मेरे ताहीं छोड़ कोए चट्टान न्ही; मै किसे और नै न्ही जाणदा।”

तेरा कर्ता यहोवा, जो तेरे ताहीं गर्भ तै ए बणान्दा आया अर तेरी मदद करैगा, न्यू कहवै सै: हे मेरे दास याकूब, हे मेरे चुणे होए यशूरून, ना डरै!