Popular Bible Verses from उत्पत्ति 6

Share

अर यहोवा धरती पै माणस नै बणाकै पछताया, अर वो मन म्ह घणा दुखी होया।

यहोवा नै देख्या के माणसां की बुराई धरती पै बढ़गी सै, अर उनकै मन म्ह जो कुछ विचार पैदा होवै सै वो हमेशा बुरा ए होवै सै।

पर यहोवा के अनुग्रह की निगांह नूह पै बणी रही।

नूह की पीढ़ी इस तरियां सै। नूह धर्मी अर अपणे बखत के माणसां म्ह खरा था; अर नूह परमेसवर ए कै गैल-गैल चालदा रह्या।

तो यहोवा नै कह्या, “मै माणस नै जिस ताहीं मन्‍नै बणाया सै अर धरती कै उप्पर तै पशु, रेंगण आळे जन्तु, अर अकास के सारे पंछियाँ नै, सब नै मिटा दियुँगा, क्यूँके मै उननै बणाकै पछताऊँ सूं।”

फेर जिब माणस धरती कै उप्पर घणे बढ़ण लाग्गे, अर उनकै बेटियाँ पैदा होई, फेर परमेसवर कै बेट्याँ नै माणस की बेटियाँ ताहीं देख्या, के वे सुथरी सैं; अर उननै जिस-जिसतै चाह्या उनतै ब्याह कर लिया। फेर यहोवा नै कह्या, “मेरा आत्मा माणस म्ह सदा न्ही रहवैगा, क्यूँके माणस भी देह ए सै; उसकी उम्र एक सौ बीस साल की होवैगी।” उन दिनां म्ह धरती पै दानव रह्या करदे; अर इसकै बाद जिब परमेसवर के बेट्टे माणस की बेटियाँ कै धोरै गए फेर उनकै जरिये जो बाळक पैदा होए, वे बेट्टे शूरवीर होवै थे, जिनकी चर्चा पुराणे बखत तै चाल्दी आई सै।

परमेसवर के हुकम कै मुताबिक नूह नै इसाए करया।

इस कारण परमेसवर नै नूह तै कह्या, “सारे प्राणियाँ नै नाश करण का कारण मेरै स्याम्ही आ ग्या सै; क्यूँके उनकै कारण धरती उपद्रव तै भरगी सै, ज्यांतै मै उननै धरती समेत नाश कर दियुँगा।

इस करकै तू गोपेर दरखत की लाकड़ी का एक जहाज बणा ले, उस म्ह कोठड़ी बणाईये, अर बाहर भित्तर उसपै राळ लगाईये।

अर परमेसवर नै धरती पै जो निगांह करी तो के देख्या के वा बिगड़ी होई सै; क्यूँके सारे प्राणियाँ नै धरती पै अपणा-अपणा चाल-चलण बिगाड़ लिया था।

अर सारे जिन्दा प्राणियाँ म्ह तै, तू हरेक जात कै दो-दो, यानिके एक नर अर एक मादा जहाज म्ह ले जाकै, अपणे गेल्या जिन्दा राखिये।