Popular Bible Verses from उत्पत्ति 32

Share

उसनै कह्या, “तेरा नाम इब याकूब न्ही, पर इस्राएल होवैगा, क्यूँके तू परमेसवर तै अर माणसां तै भी युद्ध करकै जीत्या सै।”

फेर उसनै कह्या, “मन्‍नै जाण दे, क्यूँके सबेरै होण आळी सै।” याकूब नै कह्या, “जिब ताहीं तू मन्‍नै आशीर्वाद न्ही देवैगा, जिब ताहीं मै तन्‍नै जाण न्ही दियुँगा।”

अर याकूब आप खुद एक्ला रहग्या; फेर कोए माणस आकै सबेरै होण तक उसतै मल्‍लयुद्ध करदा रह्या।

फेर याकूब नै न्यू कहकै उस जगहां का नाम पनीएल धरया; “क्यूँके उसनै कह्या, मन्‍नै परमेसवर ताहीं आम्ही-स्याम्ही देख्या पर फेर भी मेरी जान बचगी।”

जिब उसनै देख्या के मै याकूब पै हावी न्ही हो सकदा, तो उसनै उसकी जाँघ की नस ताहीं छुया; अर याकूब की जाँघ की नस उसतै मल्‍लयुद्ध करदेए करदे चढ़गी।

अर उसनै याकूब तै पूच्छया, “तेरा नाम के सै?” उसनै कह्या, “याकूब।”

याकूब नै कह्या, “मै बिनती करुँ सूं, मन्‍नै अपणा नाम बता।” उसनै कह्या, “तू मेरा नाम क्यूँ बुझ्झै सै?” पर उसनै उस ताहीं ओड़ैए आशीर्वाद दिया।

तन्‍नै जो-जो काम अपणी करुणा अर सच्‍चाई तै अपणे भरोस्सेमंद दास गैल करे सैं, के मै जो अपणी छड़ी ए लेकै इस यरदन नदी कै परली ओड़ उतर आया, अर इब मेरे दो टोळ होगे सैं, तेरे इसे-इसे काम्मां म्ह तै मै एक कै भी जोग्गा कोनी सूं।

इस कारण इस्राएली पशुआं की जाँघ के जोड़ आळे जंघानस नै आज तक न्ही खान्दे, इसका कारण योए सै के उस माणस नै याकूब की जाँघ के जोड़ म्ह जंघानस ताहीं छुया था।

फेर याकूब नै प्रार्थना करकै कह्या, “हे यहोवा, हे मेरे दादा अब्राहम अर मेरे पिता इसहाक के परमेसवर, तन्‍नै तो मेरै ताहीं कह्या था के अपणे देश की जन्म-भूमि म्ह बोहड़ ज्या, अर मै तेरी भलाई करुँगा

पर इब मेरी बिनती सुणकै मन्‍नै मेरे भाई एसाव कै हाथ तै बचा क्यूँके मै तो उसतै डरुँ सूं, कदे इसा ना हो के वो आकै मेरै ताहीं अर मेरे बाळकां समेत उनकी माँ ताहीं भी मारदे।