Popular Bible Verses from यहेजकेल 37

Share

फेर उसनै मेरे ताहीं कह्या, “इन हाड्डियाँ तै भविष्यवाणी करकै कह, ‘हे सूक्खी हाड्डियो, यहोवा का वचन सुणो। परमेसवर यहोवा थम हाड्डियाँ तै न्यू कहवै सै: देक्खो, मै आप थारे म्ह साँस समवाऊँगा, अर थम जी उठोगी।

मै थारी नसां नै पैदा करकै माँस चढ़ाऊँगा, अर थमनै चमड़े तै ढकुगाँ; अर थारे म्ह साँस समवाऊँगा अर थम जी जाओगी; अर थम जाण ल्योगी के मै यहोवा सूं।’”

फेर उसनै मेरे तै पूच्छया, “हे माणस की सन्तान, के यें हाड्डी जी सकै सैं?” मन्‍नै कह्या, “हे परमेसवर यहोवा, तू ए जाणै सै।”

यहोवा की शक्ति मेरै पै आई, अर वो मेरे म्ह अपणा आत्मा समवाकै बाहर लेग्या अर मेरे ताहीं तराई कै बिचाळै खड़या कर दिया; वो तराई हाड्डियाँ तै भरी होई थी। फेर उसनै मेरे ताहीं उनके च्यांरु ओड़ घुमाया, अर तराई की तळी म्ह घणीए हाड्डियाँ थी; अर वे घणी सूक्खी थी।

इस हुकम कै मुताबिक मै भविष्यवाणी करण लाग्या; अर मै भविष्यवाणी करण ए लाग रह्या था, के एक आहट आई, अर भूकम्प होया, अर वे हाड्डी कठ्ठी होकै हाड्डी तै हाड्डी जुड़गी। मै देखदा रह्या, के उन म्ह नस पैदा होई अर माँस चढ़या, अर वे उप्पर चमड़े तै ढकगी; पर उन म्ह कुछ साँस ना था।