Popular Bible Verses from सभोपदेशक 8

Share

फेर मन्‍नै खुशी ताहीं सराहया, क्यूँके सूरज कै नीच्‍चै माणसां कै खात्तर खाण-पीण अर खुशी मनाण नै छोड़ और किमे भी आच्छा कोनी, क्यूँके योए उसकी जिन्दगी भर जो परमेसवर नै उसकै खात्तर सूरज कै नीच्‍चै ठहराया, उसकी मेहनत म्ह उसकै गैल बण्या रहवैगा।

चाहे पापी सौ बार पाप करै अपणे दिन भी बढ़ावै, तोभी मन्‍नै यकिन सै के जो परमेसवर तै डरै सै अर उस ताहीं स्याम्ही जाणकै भय तै चाल्‍लै सै, उनका भलाए होवैगा

क्यूँके हर एक बात का बखत अर नियम होवै सै, फेर भी माणस का दुख उसकै खात्तर भोत घणा भारी होवै सै।

इसा कोए माणस न्ही जिसका वश प्राण पै चाल्‍ले के वो उस ताहीं लिकड़दे बखत रोक ले, अर ना कोए मौत के दिन पै अधिकारी होया सै; अर ना उस ताहीं लड़ाई तै छुट्टी मिल सकै सै, अर ना दुष्ट माणस अपणी दुष्टता कै कारण बच सकै सै।

बुरे काम की सजा का हुकम जल्दबाजी म्ह न्ही दिया जान्दा; इस कारण माणसां का मन बुरा काम करण की इच्छा तै भरया रहवै सै।

एक बेकार बात धरती पै होवै सै, यानी इस तरियां के धर्मी सै जिनकी वो हालत होवै सै जो दुष्टां की होणी चाहिये, अर इस तरियां के दुष्ट सै जिनकी इसी दशा होवै सै जो धर्मियाँ की होणी चाहिये। मन्‍नै कह्या के यो भी बेकार ए सै।

वो न्ही जाणदा के होण आळा सै, अर कद होवैगा? यो उसनै कौण बता सकै सै?