Popular Bible Verses from सभोपदेशक 5

Share

बात करण म्ह जल्दबाजी ना करिये, अर ना अपणे मन तै कोए बात जल्दबाजी तै परमेसवर कै स्याम्ही बोलिये, क्यूँके परमेसवर सुर्ग म्ह सै अर तू धरती पै सै; इस करकै तेरे शब्द थोड़े ए हो।

बल्के हर एक माणस जिस ताहीं परमेसवर नै धन-सम्पत्ति दी हो, अर उनतै आनन्द भोग्गण अर उस म्ह तै अपणा भाग लेण अर मेहनत करदे होए खुशी मनाण की शक्ति भी दी हो यो परमेसवर का वरदान सै।

जो रपियाँ तै प्यार करै सै वो रपियाँ तै कोनी छिकैगा; अर ना जो घणे धन तै प्यार करै सै, मुनाफै तै, यो भी बेकार सै।

जिब तू परमेसवर के भवन म्ह जावै, तो सावधानी तै चालिये; सुणण कै खात्तर धोरै जाणा बेकूफां के बलिदान चढ़ाण तै आच्छा सै; क्यूँके वे न्ही जाणदे के बुरा करै सै।

जिब तू परमेसवर कै खात्तर मन्‍नत मान्‍नै, तो उसनै पूरा करण म्ह देर ना करिये; क्यूँके वो बेकूफां तै खुश न्ही होन्दा। जो मन्‍नत तन्‍नै मान्‍नी हो उस ताहीं पूरी करिये।

मन्‍नत मान कै पूरी ना करण तै मन्‍नत का ना मानणा ए भला सै।

मेहनत करण आळा चाहे थोड़ा खावै, या घणा, तोभी उसकी नींद सुखदाई होवै सै; पर धनी के धन बढ़ण के कारण उस नै नींद न्ही आन्दी।

जिसा वो माँ के पेट तै लिकड्या उसाए लौट जावैगा; जिसा खाल्‍ली हाथ आया था, अर अपणे मेहनत के बदले किमे भी न्ही पावैगा जिस ताहीं वो अपणे हाथ म्ह ले जा सकै।