Popular Bible Verses from 2 राजाओं 6

Share

फेर एलीशा नै न्यू प्रार्थना करी, “हे यहोवा, इसकी आँख खोल दे के यो देख सकै।” फेर यहोवा नै सेवक की आँख खोल दी अर जिब वो देख सक्या, फेर के देख्या, के एलीशा के च्यांरु और का पहाड़ अग्निमय घोड़यां अर रथां तै भरया होया सै।

उसनै कह्या, “मत डर; क्यूँके जो म्हारी और सैं, वो उनतै घणे सैं, जो उनकी और सैं।”

भोर नै परमेसवर के भगत का सेवादार उठ्या अर लिकड़कै के देख्या के घोड़यां अर रथां समेत एक दल नगर नै घेरे होए पड़या सै। फेर उसके सेवक नै उसतै कह्या, “हाय! मेरे स्वामी, हम के करां?”

जिब अरामी उसकै धोरै आए, फेर एलीशा नै यहोवा तै प्रार्थना करी के इस दल नै आन्धा कर दे। एलीशा के इस वचन कै मुताबिक परमेसवर नै उन ताहीं आन्धा कर दिया।

परमेसवर के भगत नै पूच्छया, “वो कित्त गिरी?” जिब उसनै जगहां दिखाई, फेर उसनै एक लाकड़ी काटकै ओड़ै गेर दी, अर वो लोहा पाणी पै तैरण लाग्या।

पर जिब एक जणा बल्‍ली काट रहया था, तो कुल्हाड़ी बिन्डे म्ह तै लिकड़कै पाणी म्ह गिरगी; ज्यांतै वो चिल्‍लाकै कहण लाग्या, “हाय! मेरे प्रभु, वा तो माँगी होई थी।”

एलीशा नै कह्या, “उसनै ठा ले।” फेर उसनै हाथ बढ़ाकै उस ताहीं ले लिया।