Popular Bible Verses from 2 राजाओं 2

Share

उनके पार पोहचण पै एलिय्याह नै एलीशा तै कह्या, “इसतै पैहल्या के मै तेरै धोरै तै ठा लिया जाऊँ जो कुछ तू चावै के मै तेरै खात्तर करुँ, वो माँग।” एलीशा नै कह्या, “तेरे म्ह जो आत्मा सै, उसका दो गुणा भाग मन्‍नै मिल जावै”

वे चाल्दे-चाल्दे बात कर रहे थे, के चाणचक एक अग्निमय रथ अर अग्निमय घोड़यां नै उन ताहीं न्यारा-न्यारा करया, अर एलिय्याह बवंडर म्ह होकै सुर्ग पै चढ़ ग्या।

एलिय्याह नै कह्या, “तन्‍नै ओक्खी बात माँगी सै, फेर भी जै तू मन्‍नै उठदे होए देखण पावै तो तेरै खात्तर इसाए होवैगा; ना तो न्ही होवैगा।”

फेर उसनै एलिय्याह की वो चाद्दर जो उसपै तै गिरी थी, पकड़कै पाणी पै दे मारी अर कह्या, “एलिय्याह का परमेसवर यहोवा कित्त सै?” जिब उसनै पाणी पै मारया, फेर वो आस्सै-पास्सै दो भाग होग्या अर एलीशा नदी कै पार होग्या।

अर उस ताहीं एलीशा देखदा अर पुकारदा रहया, “हाय मेरे पिता! हाय मेरे पिता! हाय इस्राएल के रथ अर सवारों!” जिब वो उसनै फेर दिखाई ना पड़या, फेर उसनै अपणे कपड़े पाड़े अर पाड़कै दो भाग कर दिए।

फेर एलिय्याह नै अपणी चाद्दर पकड़कै ऐंठ ली, अर पाणी पै मारी, फेर वो आस्सै-पास्सै दो भाग होग्या; अर वे दोन्‍नु धरती ए धरती पार उतरगे।

एक दिन यहोवा एलिय्याह नै बवंडर के जरिये सुर्ग म्ह ठा ले जाण नै था, फेर एलिय्याह अर एलीशा दोन्‍नु गैल-गैल गिलगाल नगर तै चाल्‍ले।