Popular Bible Verses from 1 शमूएल 17

Share

दाऊद नै पलिश्ती तै कह्या, “तू तो तलवार अर भाला अर सांग लिए होए मेरे धोरै आवै सै; पर मै सेनाओं के यहोवा के नाम तै तेरे धोरै आऊँ सूं, जो इस्राएली सेना का परमेसवर सै, अर उसे ताहीं तन्‍नै ललकारया सै।

अर या सारे मण्डळी जाण लेवैगी के यहोवा तलवार या भाले के जरिये जयवन्त न्ही करदा, ज्यांतै के लड़ाई तो यहोवा की सै, अर वोए तन्‍नै म्हारे हाथ म्ह कर देवैगा।”

फेर दाऊद नै कह्या, “यहोवा जिसनै मेरे ताहीं शेर अर भालू दोनुवां के पंजे तै बचाया सै, वो मन्‍नै उस पलिश्ती के हाथ तै भी बचावैगा।” शाऊल नै दाऊद तै कह्या, “जा, यहोवा तेरे गैल रहवै।”

आज कै दिन यहोवा तन्‍नै मेरे हाथ म्ह कर देवैगा, अर मै तन्‍नै मारूँगा, अर तेरा सिर तेरे धड़ तै न्यारा करुँगा; अर मै आज कै दिन पलिश्ती सेना के शव अकास के पंछियाँ ताहीं दे दियुँगा; फेर सारे पृथ्वी के माणस जाण लेवैगें के इस्राएल म्ह एक सामर्थी परमेसवर सै।

फेर उसनै अपणी लाठ्ठी हाथ म्ह ली अर नदी म्ह तै पाँच चिकणे पत्थर छाँटकै अपणी चरवाही की थैल्‍ली, यानिके अपणे झोळे म्ह धरे; अर अपणा गोफन हाथ म्ह लेकै पलिश्ती के धोरै गया।

फेर दाऊद नै शाऊल तै कह्या, “किसे माणस का मन उसके कारण कच्‍चा ना हो; तेरा दास जाकै उस पलिश्ती तै लड़ैगा।”