Popular Bible Verses from 1 राजाओं 18

Share

हे यहोवा! मेरी सुण, मेरी सुण, के ये माणस जाण लें के हे यहोवा, तू ए परमेसवर सै, अर तू ए उनका मन बोहड़ा ल्यावै सै।”

फेर भेंट चढ़ाण कै बखत एलिय्याह नबी धोरै जाकै कहण लाग्या, “हे अब्राहम, इसहाक अर इस्राएल के परमेसवर यहोवा! आज यो साबित कर के इस्राएल म्ह तू ए परमेसवर सै, अर मै तेरा दास सूं, अर मन्‍नै ये सारे काम तेरे तै वचन पाकै करे सैं।

अर एलिय्याह सारे माणसां कै धोरै आकै कहण लाग्या, “थम कद ताहीं दो विचारां म्ह लटके रहोगे, जै यहोवा परमेसवर हो, तो उसकै पाच्छै हो ल्यो; अर जै बाल हो, तो उसकै पाच्छै हो ल्यो।” माणसां नै उसके उत्तर म्ह एक भी बात न्ही कही।

फेर यहोवा की आग अकास तै प्रगट होई अर होमबलि ताहीं लाकड़ी अर पत्थरां अर धूळ सुधा भस्म कर दिया, अर खड्डे म्ह का सारा पाणी भी सूखा दिया।

यो देख सारे माणस मुँह कै बळ गिरकै बोलण लाग्गे, “यहोवा ए परमेसवर सै, यहोवा ए परमेसवर सै;”

सातवीं बार उसनै कह्या, “देख्या समुन्दर म्ह तै माणस का हाथ जिसा एक छोट्टा बाद्दळ उठण लागरया सै।” एलिय्याह नै कह्या, “अहाब कै धोरै जाकै कह, ‘रथ जुतवा कै तळै जा, कदे इसा ना हो के तू बारिस कै कारण रुक जावै।’”

फेर यहोवा की शक्ति एलिय्याह पै इसी होई; के वो कमर बाँधकै अहाब कै आग्गै-आग्गै यिज्रेल ताहीं दौड़दा चल्या गया।

फेर एलिय्याह नै अहाब तै कह्या, “उठकै खा-पी, क्यूँके भारी बारिस की सणसनाहट सुणाई पड़ै सै।”

अर उसनै अपणे सेवक तै कह्या, “चढ़कै समुन्दर की और ध्यान करकै देख,” फेर उसनै चढ़कै देख्या अर बोहड़कै कह्या, “किमे न्ही दिखदा।” एलिय्याह नै सात बार कह्या, “फेर जा।”

फेर एलिय्याह नै सारे माणसां तै कह्या, “मेरै धोरै आओ;” अर सारे माणस उसकै धोरै आए। फेर उसनै यहोवा की वेदी की जो गिराई गई थी मरम्मत करी।

फेर थम अपणे देवता तै प्रार्थना करियो, अर मै यहोवा तै प्रार्थना करुँगा, अर जो आग गिराकै जवाब दे वोए परमेसवर ठहरै।” फेर सारे माणस बोलण लाग्गे, “आच्छी बात।”

फेर एलिय्याह नै याकूब के बेट्यां की गिणती कै मुताबिक जिसकै धोरै यहोवा का यो वचन आया था, “तेरा नाम इस्राएल होवैगा,” बारहा पत्थर छाँटे

दोपहर ताहीं एलिय्याह नै यो कहकै उनका मजाक करया, “ऊँच्‍चे शब्द तै पुकारो, वो तो देवता सै; वो तो ध्यान लगाऐ होवैगा, या किते गया होवैगा या यात्रा म्ह होवैगा, या हो सकै सै के सोन्दा हो अर उस ताहीं जगाणा चाहिए।”

अर उन पत्थरां तै यहोवा के नाम की एक वेदी बणाई; अर उसके च्यांरु और इतणा बड़ा एक खड्डा खोद दिया, के उस म्ह दो सआ बीज समा सकै।