Popular Bible Verses from 1 इतिहास 28

Share

“हे मेरे बेट्टे सुलैमान! तू अपणे पिता के परमेसवर का ज्ञान राख, अर खरे मन अर खुश जी तै उसकी सेवा करदा रह; क्यूँके यहोवा मन नै जाँच्‍चै अर विचार म्ह जो कुछ पैदा होवै सै उसनै समझै सै। जै तू उसकी खोज म्ह रहवै, तो वो तन्‍नै मिलैगा; पर जै तू उसनै त्याग दे तो वो सदा खात्तर तेरै ताहीं छोड़ देगा।

फेर दाऊद नै अपणे बेट्टे सुलैमान तै कह्या, “हियाव बाँध अर मजबूत होकै इस काम म्ह लाग जा। डर मत, अर तेरा मन कच्‍चा ना हो, क्यूँके यहोवा परमेसवर जो मेरा परमेसवर सै, वो तेरै गैल सै; अर जिब तक यहोवा कै भवन म्ह जितना काम करणा हो वो ना हो ले, तब तक वो ना तो तन्‍नै धोक्खा देवैगा अर ना तन्‍नै त्यागैगा।

इब चौक्‍कस रह, यहोवा नै तेरे ताहीं एक इसा भवन बणाण खात्तर चुण लिया सै, जो पवित्र जगहां ठहरैगा, हियाव बाँधकै इस काम म्ह लाग जा।”