Popular Bible Verses from Secunnu Matteu 27

Share

E versu l’ ura nona, Gesù esclamau cu na gran vuci dicennu: Eli, Eli, lamma sabacthani? ca significa: Diu miu, Diu miu, pirchì m’ abbannunasti?

Ed eccu ca lu velu di lu tempiu si sfardau in dui di supra sinu a sutta, e la terra trimau, e li petri si rumperu, E li sepulturi s’ apreru: e tanti corpi di santi, ca durmevanu, risuscitaru.

Gesù però sclamannu nautra vota cu na gran vuci, spirau.

Ma lu Centuriuni, e chiddi, chi cu iddu facevanu la guardia a Gesù, vistu lu terremotu e chiddu, chi succideva, appiru gran paura, e dicevanu: Veramenti Figghiu di Diu era chistu.

Ma da l’ ura sesta sinu a la nona cci foru tenebri pri tutta la terra.

E cci dissi Pilatu: Chi nni faroggiu dunca di Gesù, chiamatu Cristu? E tutti dissiru: Si crucifigissi. Lu guvernaturi cci dissi: Ma chi mali ha fattu? E chiddi cchiù assai gridavanu: Si crucifigissi.