Popular Bible Verses from Haddoo 14

Share

Doono Yeeri toommooch baach hukkoon tiijjiyaahote. Are showeexi asheenaꞌoyichoo shattaahote. Nooch kosho tunemminaꞌone; boonoshi nixiyoo tiyitone. Doono Yeeri noonna tookkii beetone. Boonoshin shattaahote” iyeete.

“Andoo neen qollehoye; ‘Doono Yeeri haaꞌiyecho, wodde shoodecho, axaaxoonaa xuꞌoonon maarecho, tunebaani xuꞌechon sheeraanoon besheyaano, boonoshi niheenaꞌochi axaaxoyich bushiisheenaꞌon keejjinnee woyee awuddinnee shiijjerooch beddaahaa sheerii beetone’ iyaꞌa ne gibenikkitoommon ne giidoo bekkebe.

Doono Yeeri noonna bi emirigaata, ejjoonaa eeyona xuupphiibeeti ebi showooch noon giijjemmone; aroonoo nooch immemmone.

Tunebaani ta guuno Kaaleebi bariti ayaano biich bi beetoyich, ceeni mulloona taan bi dabbitoyich, hammii bi beeggiti showooch biin giijjemmo taane; bi shiijjereenaꞌoo woraashemminaꞌone.

Boonoshichoo ishichibe: ‘Ta, beeyecho ta tunetoyich, ta waayaa beetaa ittoshi yibbaatetoommon, ebiyoommon ittoshi toommooch tuniyemmo taane.

Doono Yeeri Muusich ishichiye: “Hini asheenaꞌo taan boonoshi hoxe beeyemmo, aati wottooniye? Ebi boonoshi daggooch ta tuniyaabeeti, worganikkiti mooyo bullina taan gibenoon qayi boonoshi beeyemmo aati wottooniye?

Israꞌeeleenaꞌo bulli Muusinaa Harooninochi toommooch guruuxiyeete. Iiteenaꞌo bulli boonoshich ishichiyeete: “Gibitsaanoo qitibona! Woyee hini barahoochaanoo qitibona!

Showoon qiidditinaꞌo daggoochee Nuuni bushoo Yaasinaa Yefuuni bushoo Kaaleebina boonoshi tahoon keexxiyeete. Boonoshiyoo Israꞌeelee iitoo bullich ishichiyeete: “Guuddaa no qiiddeti showoo oogeton gaawe showoone

Tunebaani, ta beeyecho ta tunetoyich, iberoon showoo bulli Doono Yeeri ta oogee yiiroona ceennito bi tunetoyich, Gibitsee showoonaa barahoonoochaa ta oogee yiiroon, ta tuniiti gaakkechi mooyonoo beeggiti ebi asheenaꞌo bulli aashire wottoon taan phireya boonoshi qiiccetoyich, ta qaaroonoo waayo boonoshi qajjitoyich, boonoshi qaabbechinaꞌoyich imma ta wogeti showoon ciroona beegaachemminaꞌone; boonoshi daggoochee taan hoxeti asho koniyoona beegaachemmone.