Popular Bible Verses from Leweenaꞌo 26

Share

Ittoshi daggooch beeyemmo taane; ittoshichoo Nuggishoo tunemmo taane; ittoshiyoo ta asho tunemmo ittoshine.

amiyon bi goori gooroona ittoshich dichemmo taane. Showoo maayoon shakkiyemmone; mixinaꞌoo aafoon aafemminaꞌone.

“ ‘Ta qociiti qociyoona ittoshi beegaata, ta geteenaꞌonoo manjii ittoshi quyegaata

“ ‘Ittoshi showoon diggoo tuniyemmo taane. Amoyichona keqqaanoon tokkete qeyemmo ittoshine. Gonde cooxinaꞌon ittoshi showoochee aalliyemmo taane. Ittoshi showoon koniyoona koyaachemmone.

“ ‘Ittoshin gaawe aafoona ciinnemmo taane. Shiyi shiijjereree ittoshi meettemmoyich tuniyemmo taane; ta wogoonoo ittoshich manjiyemmo taane.

Gibitseenaꞌoyich guuno ittoshi tuneyaachemmoyich, Gibitsee ittoshin kichaa deebeti ittoshi Nuggishoo Doono Yeeri taane. Guuchittinee waanjoon tiichaꞌa, kaama qaalliree ittoshi hammemmoyich tuniito taane.

Ta beeyi xaaꞌoon ittoshi daggooch tuniyemmo taane; tawoo ittoshin tiyaareyaachemmo taane.

“ ‘Ta, ittoshi Nuggishoo Doono Yeeri ta tunetoyich, shahalloon ittoshich shuuneyaahote. Xareeti xaqqoon woyee goyinnee xaqqee giimboon ittoshi showooch xogiree, ebi aroyich goyinneyaahote.

Ittoshi maayo woddoochee tiyitona, natoon ittoshi maa beetaa andire maayo giyaa, ebi are andiroon giijjoyich natoon kichi duppemmo ittoshine.

Ittoshi daggoochee uuchoo balloon, balloo aashire humoon koyi wochemmone. Ittoshi etteenaꞌon koyi wuxemmo ittoshine.

Ittoshi maayo woddoochee tiyitona, maayoon ittoshi bushi beetaa, woyinee aafoon ittoshi macemmii gooroo shaggemmone; wotta woyinee aafoon ittoshi maci beetaa maayoon ittoshi shookkemmi yarimmoo shaggemmone. Maayoon miyiree maayemmo ittoshine. Ittoshi showoochoo keqqaalloon diggoona beeyemmo ittoshine.

Ittoshi etteenaꞌon koyi wochemmo ittoshine. Meetinaꞌon koyi wuxemmo ittoshine.

“ ‘Ta shambetoon quyebote. Ta goyinneebeeti xaaꞌoonoo oogiibote. Ta, Doono Yeeri taane.