Popular Bible Verses from Woraaferasheenaꞌo 6

Share

Doono Yeerichi maraakoo biich bekkeꞌi, “Giidechi ginee anaamocho, Doono Yeeri neenna tookkiiniye” iye.

Areegaata, Doono Yeeri bi waan wotteꞌi, “Ebi ooge ne giidoona hamiree, Israꞌeeleenaꞌon Miidiyameenaꞌo kishoochee wodiibe; neen wochaa daachiibeeto ta qelloona taane” iye.

Doono Yeeriyoo wochiꞌi, “Iberoon ta neenna tookki tunemmo taane. Miidiyameenaꞌon ikke ashoon wuxoommon wuxi aalliyemmo neene” iye.

Geediyooniyoo wochiꞌi, “Ta doonocho, Doono Yeeri noonna tookkii bi beeto gaata, ebi mooyo bulli amoyich no toommooch shaggiye? No qaabbechinaꞌo ‘Doono Yeeri Gibitsee noon kichitone’ iibee boonoshi gettiti, worganikkiti gaakkechi mooyo bulli and aaye? Doono Yeeri noon qajjitone; Miidiyameenaꞌo kishooch beshiiꞌi immitone” iye.

Geediyooni wochiꞌi, “Ta Doonocho, Israꞌeeleenaꞌon wodiyoon ta hakkemmo aabichireeshiye? Ta yaroo Minaasi yoodee daggoochee hakka guute yaroone; tawoo wotta ta nihoochi kechi asheenaꞌo daggoochee giisho taane” iye.

Aroochee Doono Yeerichi maraakoo Ofiri gafooch waaꞌi, Abezeerichi yaroo Yoꞌaashi budochi daggooch beeti ikke ooge michi xepphooch kotehe. Yoꞌaashi bushoo Geediyooni Miidiyameenaꞌo beegaachemmoyich aashoona woyinee hiicci oppoochaa teepphoon buchii beehe.

Geediyooni arooch Doono Yeerich deejjee gudoon shuuneꞌi, Doono Yeeri Diggee Nuggishoo iꞌi shigiihe. Ebi deejjee gudo hanaach beddaahaa Abezeerichi yareenaꞌo showoo tuneti Ofira neexeꞌi beetone.

Biyoo wochiꞌi, “Ishigaata, ne aafooch gidoon daneto ta tunegaata, taanna tookkaa yibbaataabeeto iberoon Doono Yeeri ne tunoyich malletoon taach bekkiibe.

Tunebaani Doono Yeeri biich “Diggoo neech tunebe; shattaahine; qitaachemmo neene” iye.

Israꞌeeleenaꞌo wochinnoon Doono Yeeri aafooch axaaxoon shuuneheete. Doono Yeeriyoo boonoshin shabaatte naton Miidiyameenaꞌo kishooch beshiiꞌi immiye.