Gilaadee asheenaꞌo Efreemee showooch besheebeeti Yoordaanoosi aachi kimeenaꞌon yechiyeete. Muriccii hammiibeeti Efreemee asho koniyoona “Aacon kimbona” iꞌi bi echemmona, Gilaadee asheenaꞌo “Ne Efreemee asho toono neene?” ii beeheete. Biyoo wochiꞌi, “Toonoo taane” bi getigaata, boonoshi biich “Eke ‘Shiboleet’ gete” ii beeheete. Uro ebin kaachii gettemmon mawiiꞌi, “Siboleet” bi getigaata, uroon yechiꞌi are Yoordaanoosi aachi kimoochaa wuxii beeheete. Arooba aabbaa gutte hume Efreemi yoodee asheenaꞌo qitiyeete.