Popular Bible Verses from Hiziqeeli 37

Share

Aroochee taach ishichiye: “Ebi shaawusheenaꞌoyich keemoon ishichi keembe: ‘Hini shuuqqiti shaawusheenaꞌote, Doono Yeerichi qaaroon waayebote. Nuggishoo Doono Yeeri ebi shaawusheenaꞌoyich ishichii beetone: Ittoshi kashooch kashee hiinnoon ta giijjaa, wochinnoon kashoona beeyemmo ittoshine.

Maqqoonaa meenonon ittoshich imiree achee gooqqoona qeremmo taane; ittoshi kashooch kashee hiinnoon giijjemmo taane; kashoonoo beeyemmo ittoshine; ta, Doono Yeeri ta tunoon ariyemmo ittoshine’ gete” iye.

Biyoo taach: “Ashi bushoocho, ebi shaawusheenaꞌo kashoona beemon hakkeheete?” iye. Tawoo, “Nuggishoo Doono Yeero, ne ariihine” iyo.

Doono Yeerichi giidoo ta toommooch waahe; bi Ayaano daammiꞌi shaawushoona ceennit bambee daggooch taan kotiihe. Boonoshi daggoona taan yaabii guudiihe; ebi shaawusheenaꞌo bambooch oogeti woddeenaꞌone; eboshiyoo oogichii shuuqqitinaꞌone.

Ebich taach getteetoommon keemmeho; ta gettemmona kakakkee qaaro waayeehe; shaawusho ikkotteꞌi biinnaa biinna yeshehe. Ciinnaa ta iyaa, maqqoonaa meenona boonoshi toommooch beete; eboshiyoo achee gooqqoona boonoshi qereyemmoyich tunehe; tunebaani kashee hiinno boonoshich aalloone.