Popular Bible Verses from Yibbaatoo 30

Share

“Hanaach kashoona beemonaa qitoonon, diiroonaa ufonon ittoshi aafooch ta kotiyoyich shimaayoonaa showoonon miixoo ceeggaabeeto taane. Illa neennaa ne shiijjeroona kashoona ittoshi beeyemmoyich kashoona beemon kaace. Ne Nuggishoo Doono Yeerin shune. Bi qaaroon waayebe. Biinna tookkishoo ikkottebe. Ebina ne qaabbechi Abrahamich, Yisaaqinaa Yaaqobinoyich imma bi wogeti showooch neennaa ne shiijjeroona meeti yemeenoon kashoona beeyemmo ittoshine” iye.

Ne Nuggishoo Doono Yeerin shunona, bi gommona hamona, bi getoon, bi qociyoonaa bi doyoonon ceechoona, hanaach neech ta gettaabeeti ne Nuggishoo Doono Yeerichi getoon ne waayegaata, kashoona beeyemmo neene; meetishoo gettemmo neene. Giyiree woraashiya ne hammaabeeti showoochaa ne Nuggishoo Doono Yeeri neen diiremmone.

Muusi Israꞌeeleenaꞌoyich ishichiye: “Ebiyoche, hanaach deꞌoonaa gondoonon, kashoona beemonaa qitoonon ne aafooch kotiito taane.

Tunebaani ebi qaaro neech oogeti katinoone; ne ceechemmoyich, bi beeto ne noonoonaa ne mulloonoochiye” iye.

Doono Yeeri ne mulloonaa ne shiijjereenaꞌo mulloona biich deꞌa gettemmoyich tuniyemmone. Ebiyoo ne Nuggishoo Doono Yeerin ceeni ne mulloonaa ceeni ne kashoona ne shunnemmoyich, kashoonoo ne beeyemmoyichiye.

Ne Nuggishoo Doono Yeeri ne shuunaabeeti shuunoo bullina, meeti bushiishoona, gijjee shiijjoona, ne gochaabeeti goyoonoo oogichi ne gaannemmoyich tuniyemmone. Doono Yeeri ne qaabbechinaꞌon gaanniyoona bi emiroommon neen gaanniyoona emiremmone.

“Tunebaani ne mullo bara wottegaata, biich deꞌa gettemmon ne qayigaata, bare nuggisheenaꞌoyich goyinne maddeya ne gaꞌegaata, ciroona aallemmo ne tunoon ta hanaach neech gettaabeeto taane. Yoordaanoosin kimiree ne hajjemmi showooch meeti yemeenoon koteyaachemmo neene.

Muusi Israꞌeeleenaꞌoyich ishichiye: “Hanaach neech ta gettaabeeti geto maggoo woyee neyee wokkito toonoone.

‘Waayeree no ceechemmoyich konine shimaayooch keyiree nooch deebemmo?’ ne getaachemmoyich, bi beeto shimaayooch toonoone.

Wotta ‘Waayeree no ceechemmoyich, konine baharoyee beqach kimiree nooch deebemmo?’ ne getaachemmoyich, bi beeto baharee beqach toonoone.