Popular Bible Verses from Yibbaatoo 28

Share

Muusi Israꞌeeleenaꞌoyich ishichiye: “Ne Nuggishoo Doono Yeerichi qaaroon ne waayegaata, hanaach neech ta gettaabeeti bi geteenaꞌon manjii ne quyegaata, ne Nuggishoo Doono Yeeri showee toommooch beeti aageteenaꞌo bulliyee beshiiree neen oogiyemmone.

Ne Nuggishoo Doono Yeerichi qaaroon ne waayegaata, ebi diireenaꞌo bulli neech tunemminaꞌone; neenoo yechemminaꞌone.

Doono Yeeri qaroonani, ceeroon neen tuniyaachemmone. Hanaach neech ta gettaabeeti, ne Nuggishoo Doono Yeerichi geteenaꞌon ceechaꞌa ne quyegaata, ashoyee damboani deshoon tuneyaachemmo neene.

“Doono Yeeri shimaayeexi bi goonoochee amiyon yarimmoona ne showooch dichiree, ne kishoona ne shuuneto bullin diiremmone. Ebich meeti aageteenaꞌoyich erettiyemmo neene; tunebaani ne, koni waaneenona eretteyaachemmo neene.

“Doono Yeeri ne toommooch tiyiibeeti ne etteenaꞌon koyi ne wochemmoyich tuniyemmone; ikke gommona waaree neenna koyemminaꞌone; tunebaani shabaatte gommona ne aafoochee woci aallemminaꞌone.

“Doono Yeeri ne gotoonaa ne kishoona ne shuunaabeeto bullinon diiremmone; ne Nuggishoo Doono Yeeri neech bi immiibeeti showoochaa neen diiremmone.

“Ne gimona diireyemmo neene; ne keyonoo diireyemmo neene.

“Katemooch beechi diireyemmo neene; ne goyee budooch beechishoo diireyemmo neene.

“Ne shiyaabeeti bushiishoona, ne gochaabeeti goyoona, ne shiijjaabeeti gijjoona, bagee shiijjoonaa emmishee shiijjoona diireyemmo neene.

“Ne Nuggishoo Doono Yeerichi getoon ceechaabeeto, bi gommonoo hammaabeeto ne tunegaata, wogeꞌi neech bi gibenikkitoommon, biich yaafeeti asho tuniiree neen manjiyemmone.

“Ne maayi gotoonaa ne bukee qondoona diireyemmone.

Doono Yeeri neech imma ne qaabbechinaꞌoyich wogeꞌi bi gibenikkiti showoochaa meeti bushiishoon, meeti gijjeenaꞌonaa meeti maayoonon imiree neen gaanniyemmone.

Aroochee showee toommooch beeti asheenaꞌo bulli Doono Yeeri biich neen bi kaacon beeggemminaꞌone; ebina neen shattemminaꞌone.

Bare nuggisheenaꞌoyich goyinne maddeya, hanaach neech ta getteti qaaroochee ciroona yoocha qanna gettaahine” iye.

Muusi Israꞌeeleenaꞌoyich ishichiye: “Tunebaani ne Nuggishoo Doono Yeerichi qaaroon waayoon ne qayigaata, hanaach neech ta gettaabeeti geteenaꞌonaa qociyeenaꞌonon manjii quyo ne qayigaatoo, ebi ufo bulli ne toommooch shaggemmone; neenoo yechemmone.