Doono Yeeri ishichiye:
“Qeccechinaꞌo maayoon qeci ciichaan beetaa, gochechinaꞌo,
woyinee aafoon kotee beetinaꞌo hiici ciichaan beetaa, woyinee qomboon bechechinaꞌo,
dabbi shaggemmi yemeeno waa beetone.
Shaawi woyinee uyo guudi toommoochee xuupphemmone;
geppee toommooch taheyemmone.
Ta asheenaꞌo tuneti Israꞌeeleenaꞌon boonoshi showooch wochiree deebemmo taane;
boonoshiyoo tiisheti katemeenaꞌon wochinnoon hagiree arooch kotemminaꞌone;
woyinoon bechiree woyinee uyoon uchemminaꞌone;
maayoon bechiree bi aafoon maayemminaꞌone.