Popular Bible Verses from 1 Saameeli 17

Share

Daawitiyoo biich ishichiye: “Ne, goraadoon, giishi ginoonaa ooge ginoonon yechaꞌa ta waan waabeeto neene. Tunebaani ta, ne miicheti, Israꞌeelee ginee naayinaꞌo Nuggishoo tuneti, Beshe Mawe Doono Yeeri shigoona ne waan waabeeto taane.

hiniich kiceetinaꞌo bulli Doono Yeeri wodii bi beeto, goraadoonaa ginoona tunee bi qayonoo ariyemminaꞌone. Doono Yeeri kochii wochecho bi tunetoyich, ittoshin no kishooch beshiiree immemmone” iye.

Daaheroonaa diiboonochi kishoochee taan wodiiti Doono Yeeri, hini Filsixeemo kishoochee taan wodiyemmone” iye. Saaꞌooliyoo “Ishigaata, tunebe. Doono Yeeri neenna tookki tunebe” iye.

Hanaach Doono Yeeri neen ta kishooch beshiiree immemmone. Tawoo neen yexi dichiree, ne qettoon kuxxemmo taane. Filsixeemee ginee naayinaꞌo dubenoonoo shimaajji gacoonaa kubbi cooxonoyich hanaach immemmo taane. Showee toommooch beeti asho bulli Israꞌeeleenaꞌo waan Nuggishoo beemon ariyemmone

Aroochee bi gumbeen bi kishooch yechiye. Aacooch hammii uuche xaqqee haalleenaꞌon tiijjiꞌi, bagoon quyeebee bi kalleebeeti bi kollooch geddiye. Bi xeppelloonoo bi kishooch yechiꞌi, are Filsixeemo waan giddehe.

Daawitiyoo Saaꞌoolich “Ebi uroyich koniyoona shati keqqaaye. Ne guuno ta hamiree ebi Filsixeemoon kochemmo taane” iye.