Popular Bible Verses from 1 Taateenaꞌo 18

Share

Doono Yeero, Nuggishoo ne tunoon, boonoshi mulloon ne waan ne wochoonoo hini asheenaꞌo ariyemmoyich, ta qolloon waayebe; ta Doono Yeero, ta qolloon waayebe” iye.

Womikkee deejjee saato bedaa keemechi Eliyaasi giddeꞌi, “Abrahamichi Nuggishoo, Yisaaqichi Nuggishoo, Israꞌeelichi Nuggishoo Doono Yeero, ne, Israꞌeeleenaꞌo toommooch Nuggishoo ne tuno, tawoo ne guuno ta tuno, ebinoo ne qaaroona ta tuniyoo hanaach arichebe!

Eliyaasi asheenaꞌo aafooch waaꞌi, “Mulloon guttiyoona shaami ittoshi beeyemmo, aati wottooniye? Nuggishoo, Doono Yeeri gaata, Doono Yeerich goyinne maddebote. Baꞌaalo gaata, Baꞌaaloyich goyinne maddebote” iye. Tunebaani asheenaꞌo ikke qaaroonona biich wochaaneenaꞌone.

Bekkech Doono Yeerichi qaaqqoo kindiye; deejjoon, mixon, xaqqeenaꞌonaa showoonon maahe; oppee daggeexi aaconoo napphee shuuꞌiihe.

Asheenaꞌo bulli ebin beeggii, baroona guufeechii, “Doono Yeeri, aroo Nuggishoone. Doono Yeeri, aroo Nuggishoone” iyeete.

Shabaattinnoochaa bi aafee bushoo, “Ebiyoche, ashi kisha bede giisheche qubee baharoochee kechaa beetine” iye. Eliyaasiyoo, “Hamiree, Akaabich, ‘Amiyo neen yeshaan beetaa, ne gaarin qanniiree desh kindibe’ gete” iye.

Doono Yeerichi giidoo Eliyaasi toommooch waahe. Bi tahoon bi shimetooch cuchiichii, Yezireel beddaahaa, Akaabi aafooch shiichii wocciye.

Eliyaasiyoo Akaabich, “Ooge amichi qaaro taach bi waayee beetoyich, tiyiree damba hambe; mame; uye” iye.

Bi aafee bushoyich, “Hamiree baharo waan ciine” iye. Bi aafee bushoo hammii ciinniꞌi, “Arooch amolla aalloone” iye. Eliyaasiyoo hami bi beeggemmoyich shabaatte wottoon wochehe.

Eliyaasiyoo asheenaꞌoyich, “Ta waan giddebote” iye. Asheenaꞌo bulliyoo bi waan giddeheete. Biyoo happeeti, Doono Yeerichi deejjee gudoon wochinnoon shuunehe.

Boonoshiyoo boonoshi nuggishoochi shigoon ceegeete. Tawoo Doono Yeerichi shigoon ceeggemmo taane. Waayeꞌi qaaqqoon deejjimmi nuggishoo, aroo Nuggishoone” iye. Asheenaꞌo bulliyoo wochiꞌi, “Ebi gaawe yibbaatoone” iyeete.

Aroochee Eliyaasi, “Ne shigo Israꞌeeli getteyemmone” iꞌi, Doono Yeeri gettiti Yaaqobi bushiisheenaꞌochi yoodee haddoommona, aaraa gutte xaqqoon deebiye.

Aabee daggehaa Eliyaasi, “Nuggishoo bi tunetoyich, qaaroon oogichiree cookibote; diqqich gabooch giyiꞌi, woyee maach kechiꞌi, woyee gommo shaꞌee tunemmone. Woyee diqqich tokkete beeyemmone; shuurikkibote” iibee boonoshin cooqqiriye.

Ebi xaqqeenaꞌona Doono Yeerichi shigoyich deejjee gudoon shuunehe; ebi deejjee gudee guudoona ikke baaretee aacon yechi bede oppoon iijjiye.