Popular Bible Verses from Aroma 8

Share

Hi ninaacuwela wiira Nluku naapanka citthu cothene wo nnema wa ale anonfenta, yiihaninye nlattu wotthuna wawe.

Maana mi kihokupali wiira, mena nookhwa, mena ukumi, mena ancelo, mena asotwani, mena citthu ciriwo, mena citthu cimmwa, mena anakuru, mena isancamelo, mena yiisero, mena itthu phi itthu yoopattusiya, khinhala unimwalaniha nnifentoni na Nluku, niri mwa Yesu Kristu, Apwiy'ehu.

Toko ciicammo, Nnepa unaanikavihera muukenkennyani mwihu, maana khanincuwela mavekelelo, nanso yooyo Nnepa uyo unaanivekelela ni moolumo o wiipulela ahinooryehu uhimya.

Vano ninhala wiira cani mwa cennya citthu nnya? Nluku nari ni hi, tipani nohala unooryaca?

Phimaana, vano khuuwo uhukhumwinya wa ale ari mwa Yesu Kristu.

Maana moopuwelo o'rutthu ari nookhwa, nanso moopuwelo o muNnepani uri ukumi ni imaani.

Nanso mwa cothene nnya, niri mayotthema mwa ule nifentile.

Maana mi, kinoona wiira mahuviho annikhuna nna va khaanlamuliya ulikaniheriya ni nttittimiho ninwehereryehu wooniheriya.

Tipani nohala unimwalaniha nnifentoni na Kristu? Mena itafawuti, atthuna masukuli, atthuna woomolanihaciya, atthuna itala, atthuna uthaaleliya, atthuna cowoopiha, atthuna ikhotto.

Vano ule noona mirima cihu naacuwela imphavelaya Nnepa, maana Nnepa unawaavekelela attakattifu toko cintthunawe Nluku.

Maana othene aneettihiya ni Nnepa wa Nluku ari asaana a Nluku.

Maana ale aneettela co mwirutthuni, anoopuwela citthu cinciveliha irutthu, nanso ale aneettela co muNnepani, anoopuwela citthu cincivela Nnepa.

Yoole hinnemecenre mwanawe, mpaka unvaherera nlattu wa hi, vano nohala uhinivaha cani wamoca ni yooyo citthu cothene?

Yooyo Nnepa uyo phinvaha usaahiti ni nnepa ehu wiira hi n'asaana a Nluku. Vano nakhalaka asaana a Nluku, niri mayowaakhela o citthu cothene ca Nluku wamoca ni Kristu. Nahuvaka ni yooyo, ninaahala uttittimihinya wamoca ni yooyo.

Vano moopuwelo o'rutthu ari mwiinani aya Nluku, maana khaanttharihelela Nlamulo na Nluku ni khaanoorya weettela.

Vano ikhiyumpe yothene inaawehererya ni nroromelo nuulupale wooniheriya wa asaana a Nluku.

Nihocuwela wiira mpaka nna va ikhiyumpe yothene inawiipulela ni inaahuva toko nthiyana cinnyarawe.