Popular Bible Verses from Aroma 14

Share

Maana umwene wa Nluku khunakhala iyolya wala yoowurya, nanso iri isariya, imaani n'utteeliya muNnepani Nttakattifu. Kontha ule nonrumeela Kristu, naanciveliha Nluku ni naakupaliya na atthu.

Maana nakhalaka akumi, ninaakhalela Apwiya; nakhwaka, ninaakhwela Apwiya. Pooti ukhwa atthuna ukhala akumi, othene niri a Apwiya.

Phimaana niilipihe wiira nivare itthu immwaana imaani n'ulipiherana.

Phimaana, nrwee nihiye uhukhumwana. Uhiya commo, niphavele mananna oohinkakatusa atthuna unrimeliha munnihu.

Maana ihantikhiya wiira: Kiheelupelela; aneera ph'Apwiya, uhoolo waka mi, makutha othene anaahala ukikhoromela, ni nlimi nothene ninaahala ulaphulula wiira mi ki Nluku. Commo, khula ntthu mwa hi, naahala waakhula wa Nluku nnye caavarawe.

Munvarecese ule ri ookenkennyaa munroromeloni, woohikuphulaca moopuwelo awe.

Vano we pani oonhukhumu nanteko a nkina? Kontha, wakhala wiira nanteko uyo naavonyiha atthuna khanvonyiha, nkunya awe phinonhukhumu. Nanteko oyo naahala weemela, maana Apwiya phinoorya unvarelela.