Popular Bible Verses from Aroma 12

Share

Nhittharihelele meettelo o nttuniyani, nanso nkhale oopittinkuliya mmoopuweloni mwinyu onaanano, waacera wiira ncuwele yoorera, yooncivela ni yoomalela intthunawe Nluku.

Vano asunnaka kinawuvekelani, wo'kiriri ca Nluku, wiira unvaherere irutthu inyu toko isataka ikumi, ittakattifu ni yooncivela Nluku, phiri unlapela winyu woophwanela.

Ntteeliye munwehereryoni, nvilele mmahuvihoni, nkhanyerere uvekela.

Phimaana nhiihiyerere nttheminyaka ni citthu coonanara, nanso nttheme coonanara mpankaka coorera.

Nfentane ntthu ni nkhwawe ni nifento neekhweli, mwaattittimihaka akhwinyu wiivikaniha nyu.

Vano nifento ninyu nno nikhale neekhweli. Nkhotte yoonanara ni nvarecese iri yoorera.

Mphavele mananna ookhala ni imaani na atthu othene.

Asunnaka oofentiya, nhilivyaaniherane ayaayoru, nanso nhiye urusiya ni Nluku, maana ihantikhiya wiira: Phi mi kinlivyaanihera. Mi kinaahala uturusela, Apwiya phineera.

Nvare nteko n'utteeliya, nhikhale owoolwaa. Mwaarumeele Apwiya ni mwiikurumice munnepani.

Phimaana, wo nnema nivahiyaka, kinowiirelani nyu othene, hikhale ntthu noopuwela wahinreraya, nanso oopuwele toko ciryaya nroromelo ninvahilyawe Nluku khula ntthu.

Nhinturusele yoonanara oopankileni yoonanara, nanso mwaavye upanka yoorera wamiithoni wa atthu othene.

Nkhale o nrima mmoca ntthu ni nkhwawe. Nhikhale o wiittottopa, nanso nkhale tayari waatakaneelana atthu oohiihelaca. Nhikhale owiihela ucuwelaca.

Uhiya commo: Mwiinani inyu avoliyaka itala, munvaheke iyolya; avoliyaka ntthona, munvaheke maasi owurya. Mwapankaka commo, nnomwiitthelela makhala o mooro wamuru wawe.

Mwaarerihe ale anowoomolanihacani, mwaarerihe ni nhaalaphe. Ntteeliye ni ale antteeliya ni munle ni ale anoonla.

Mmeelane irinenyu na atthu attakattifu muuthwennyani mwaya. Mwaakhele aletto.

Toko cirinehu irutthu irina miphantte cinci, ni wo khula mphantte ukhalanaka nteko aya, ciicammo ni hi nihookhalaru enci, niri irutthu imoca mwa Kristu, ni wo khula mphantte uri wooluttana ni nkhwaya.