Popular Bible Verses from Marku 13

Share

Nnaahala wiinananinya nlattu wo ncina naka, nanso ule nohala ulipelela irima mpaka ummaleloni, naahala woopwa.

Nkhale miitho, nrontte! Nlattu khannocuwela nihuku ninhalaya uphiya ukati ule.

Vano mwakusiyaka wiira mwatthukiye, nhoove itthu inhalenyu uhimya. Nanso nhimye itthu inhalenyu uvahiya ukati yooyo, kontha khannakhalaka nyu nnohala wuulumaca, nanso Nnepa Nttakattifu.

Irimu ni itthaya cinaamala, nanso moolumo aka khaammala.

Nanso khaawo nocuwela nihuku atthuna ukati, hata ancelo ari wirimu, hata Mwana, ancuwela paahi Apaapa.

Ukati unhalenyu wiiwa wuuluminya co'khotto ni mwaha wo'khotto; mwiiwaka nhituthuwe, kontha unaalamuliya wiiranyaa commo, nanso khunakhalaka wuumaleloni.

Vano nrontte, kontha khannocuwela ukati unhalawe uwa mwanene itthoko; toko yocoocilo, atthuna uhiyu iriyari, atthuna uneepile nthupi, atthuna wicisu, wahikhumelele wiira, nawile ni wututuserani, huphwanyeni nrupaka. Itthu inoohimeryakani nyu, kinahimerya atthu othene: Nrontte!

Ilapo inaahala waana ni ilapo ikhwaya, ni umwene unaahala waana n'umwene nkhwawe. Inaahala uvola itala, ni mapuro menci itthaya inaahala uttettemela. Cothene nnyo cinthoonyera upacera wo mahuviho.

Nanso woopacera nhupi woorera unaahala uhimeriya maloko othene.

Maana enci anaahala uwa mwa ncina naka yiiraka: Phi mi! Ni anaahala waathepyaca atthu enci.

Nkhale miitho! Anaahala wurwehani upwaroni, ni anaahala uwaafyulacani mmasinakokani. Nlattu wawaka nnaarwaaninya wa alamuli ni mamwene, wiira mwakhale asaahiti wa yaayo.

Kontha anaahala ukhumelela asimesiya enci owootha, ni minapiyu cowootha ni anaahala upanka ikanyero cinci ni cootikhineeha wiira yaathepyace atthu, wanooryaya pooti waathepya oothanliya.

Nanso yaayo mahuku ayo, anamanle mahuviho ale, ncuwa ninaahala uripela, ni mweeri khunhala waarya, itthoottwa co wirimu cinaahala umora, ni ikuru co nculu cinaahala uttinkihiya.