Popular Bible Verses from Mateu 28

Share

Phimaana, murwee mwaapanke eetthuci ilapo cothene, mwaapattisaka mwa ncina na Athumwane, na Mwana ni na Nnepa Nttakattifu, mweetthucihaka weettela cothene culamulenlyakani. Ni mi kiri ni nyu mahuku othene mpaka wiimaleloni wo'kati.

Vano Yesu ahaattamerya ni aheerela: Kihovahiya ikuru cothene coolamula wirimu ni vathi.

Ncelo uyo aheerela asithiyana ale: Nhoove! Kihocuwela wiira nnomwaavya Yesu, khomeliye wansalapani. Uyo khaawo va; honwelela toko caahimilyawe. Mmweeke, mmwaace mwawoone nipuro namweesilyaya.

Paahi Yesu aheerelaca: Nhoovace! Nrwaace mwaahimerye asunnaka wiira arwaace uKalileya, wonwo anaahala ukoona.

Vano athukumanaka wiira avaanele ni mahumu aya, yahaavahaca ncurukhu mwinci anatoropa ale, yaalakaka wiira yiire: Yahowaaca eetthuci awe uhiyu ni umwinnya, hi nirupaka. Vano nlamuli acuwelaka ila itthu ila, hi ninaahala umooryaca ninhimeryaka wiira phiiracilyaya wookhumelela. Vaavale ale anaakhelenlene ncurukhu ule, yahopanka toko caalakiyaya. Yeeyo yahorumannyaa iriyari ya ayuta mpaka nihuku no'lelo.