Popular Bible Verses from Mateu 18

Share

Maana nipuro niri atthu eeli atthuna araru anathukumanne mwa ncina naka, mi kiri iriyari aya.

Khweli kinawuhimeryani tho wiira, yakhalaka eeli mwa nyu, vathi va, atthunelanaka w'etthu phi itthu inhalaya ulepela, anaavahiya na Apaapa ari wirimu.

Yesu ahomwiihana mwana ni ahomweesa iriyari aya, ni aheera: Khweli kinawuhimeryani wiira, mwaahiivaherereke ni mwaahikhaleke toko mwana, mena vakani khannohala ukela wumweneni wo wirimu.

Phimaana, ule neeyeviha toko mwana, phi muulupale wumweneni wo wirimu.

Ntthu nomwaakhelela mwana mwa ncina naka, nokaakhelela mi.

Khweli kinoohimeryani wiira yothene inluttanihenyu vathi va, ciicammo wirimu inaaluttanihinya, ni yothene ihinluttanihenyu vathi va, ciicammo wirimu khinluttanihinya.

Ciicammo Apaapa o wirimu phinhalaya uwiirihani mwahaaleveleleke asunninyu ni nrima wothene.

Ntthu nohala unkosiha mmoca wa ala acikani ankikupali mi, phatari nawarihiye nsilo nsiko ni uvonyeriya iriyari ipahari.

Vano nnoona cani? Ntthu akhalanaka ikhontwaa iminya, ni imoca irimelaka, khanhala uhiya tuswini na khentta (99) nnyo umyaakoni, arwaaka uphavelaca imoca irimenle iyo?