Popular Bible Verses from Mateu 16

Share

Paahi, Yesu aheerela eetthuci awe: Ntthu atthunaka ukitthara mi, eekhotteke mwanene, akuseke nsalapa awe ni akitthareke.

Ciicammo kinowiirela, we Peturu, waculu waya ula mwala ula kinaahala uteka ikereca aka, ni mikhora co'mooroni khacinhala utthema.

Kinaahala wuvaha mitthukulo co'mwene wo wirimu; vano itthu inluttanihenyu vathi va inaaluttanihinya wirimu, ni itthu ihinluttanihinya vathi va, wirimu khinluttanihinya.

Kontha ule notthuna woopola ukumi awe, unanrihyaa. Ule unonrihyaa ukumi awe mwa nlattu wawaka mi, naahala uphwanya.

Ntthu nohala uphurani aphwanyaka ittuninya yothene nanso unrihyaka nnepa awe? Atthuna, nohala waakakhaniha ni isiyani nnepa awe?

Ahopwaherera eeraka: Vano nyu nneera mi kimpani? Vaavale Simoni Peturu ahaakhula eeraka: We uKristu, Mwana a Nluku nkumi.

Yesu aheera: Uhoreriya we, Simoni Parayona, maana kahiwena ntthu phi ntthu phuhimenrye, nanso Apaapa ari wirimu.